කාන්තා දිනය වෙනුවෙන් ජාතික කාන්තා සතියක් ප්රකාශයට පත් කර ඇති අවස්ථාවක ඇඹිලිපිටිය හල්මිල්ල විද්යාලයේ ගුරුවරියකට විදුහල්පතිවරිය ඉදිරියේ ගුරුවරයෙක් විසින් පහර දීම නිසා මේ වනවිට ඇය රෝහල්ගත කර ඇති සිද්ධිය පිළිබඳව අධ්යාපන ඇමතිවරිය ලෙස තමන් දැඩිව ක්රියා මාර්ගයකට එළඹෙන බව අධ්යාපන සහ උසස් අධ්යාපන ඇමති අගමැතිනී ආචාර්ය හරිනි අමරසූරිය අද පාර්ලිමේන්තුවේ දී පැවසුවාය.
අග්රාමාත්යවරිය මේ බව ප්රකාශ කළේ ජාතික ජන බලවේගයේ පාර්ලිමේන්තු මන්ත්රීනී චතුරි ගංගානි ඇසූ ප්රශ්නයකට පිළිතුර දෙමිනි.
“ජාතික කාන්තා සතියක් ප්රකාශයට පත් කරලා තියන මොහොතකත් ඊයේ දිනයේ ඇඹිලිපිටිය අධ්යාපන කලාපයේ ඇඹිලිපිටිය හල්මිල්ල විද්යාලයේ ගුරුවරියකට ගුරුවරයෙක් විසින් පහර දීමක් සිදුකර තිබෙනවා. විදුහල්පතිතුමිය ඉදිරියේ මේ පහර දීම සිදුවන විට ගුරුවරිය නීත්යානුකූල පසුබිම තුළ ලොග් සටහනක් දමා අද රෝහල්ගත වෙලා ඉන්නවා.”
“ජාතික කාන්තා දිනය වෙනුවෙන් ජාතික කාන්තා සතියක් ප්රකාශ කර තිබුණත් කණගාටුවට කාරණාව තමයි මෙවැනි මොහොතක වුනත් මේ තරම් දැවැන්ත හිංසනයන්ට සේවා ස්ථානයක් තුළ කාන්තාවන්ට ලක්වෙන්නට ලැබීම. අගමැති තුමියනි. මේ සම්බන්ධව ඔබ තුමිය දැනුම්වත් ද?. ඉදිරියට ගන්නා ක්රියාමාර්ග මොනව ද? . එය මේ ගරු සභාවට දක්වන්න.” මන්ත්රීවරයි කීවාය.
“අද උදේ මේ සිද්ධිය වාර්තා වුනේ. ඒ පිළිබඳව නීතිමය ක්රියාමාර්ග ගන්නවා. විනය ක්රියාමාර්ග ගන්නවා. අද දවස තුළ මේ පි පිළිබඳව තව තොරතුරු තියනවා නම් මේ සභාවට දැනුම් දෙනවා.” අගමැතිනිය කීවාය.
