ක්ලබ් වසන්ත ඝාතනය කිරීමේ සිද්ධිය සම්බන්ධයෙන් පොහොට්ටුවේ හිටපු බස්නාහිර පළාත් සභා මන්ත්රී අමල් සිල්වා අත්අඩංගුවට ගෙන තිබේ.
වැඩබලන පොලිස් මාධ්ය ප්රකාශක නියෝජ්ය පොලිස්පති රුවන් ගුණසේකර ප්රකාශ කරන්නේ වෙඩි තැබීමට සම්බන්ධ එක් තුවක්කුකරුවෙකුට සහ මෝටර් රථයේ රියදුරුට ආධාර සහ නවාතැන් ලබාදීම සම්බන්ධයෙන් හිටපු බස්නාහිර පළාත් සභා මන්ත්රීවරයා අත්අඩංගුවට ගත් බවය.
අමල් සිල්වා අත්අඩංගුවට ගෙන ඇත්තේ වෙඩි තැබීමට සම්බන්ධ දෙවැනි තුවක්කුකරු සහ මෝටර් රථයේ රියදුරු ඊයේ පොලිසිය විසින් අත්අඩංගුවට ගැනීමෙන් පසුවය.
පානදුර පින්වත්ත ප්රදේශයේදී සැකකරුවන් අත්අඩංගුවට ගෙන තිබිණි.
පොදු ජන පෙරමුණේ නාගරික මන්ත්රි කෙනෙක් ලෙස පත් වී සිටි අමල් සිල්වා පාතාලය සමග සමීප සබඳතා පවත්වන මැරයෙක් ලෙසත්, ගෝල් ෆේස් පිටියේ මහජන අරගලයට පහර දීම මෙහෙයවූ ප්රධාන පුද්ගලයෙක් ලෙසත් හඳුනාගෙන තිබිණි.
පසුගිය ජුලි මාසයේ අතුරුගිරියේ ටැටු චිත්රාගාරයක් විවෘත කිරීමේ උත්සවයකට සහභාගි වෙමින් සිටි සුරේන්ද්ර වසන්ත පෙරේරා හෙවත් ක්ලබ් වසන්තත් ගායන ශිල්පී කේ. සුජීවාගේ සැමියාවන නයන වාසුල ත් නාඳුනන තුවක්කුකරුවන් දෙදෙනකු විසින් වෙඩි තබා ඝාතනය කර තිබිණි.
