මනම්පිටිය නිමල් ජයරත්න –
කෘෂිකර්ම අමාත්යාංශයේ කෘෂිකර්ම නවීකරණ ව්යාපෘතියට අනුව මහවැලි බී කලාපයේ මිරිස් වගා කළ තමන්ට කෘෂිකර්ම අමාත්යාංශය විසින් පොරොන්දු වූ පරිදි මිරිස් වේලා ගත හැකි තාක්ෂණික යන්ත්රය ලබා නොදීම නිසා තමන් දැඩි අසීරුතාවයට පත්ව සිටින බව මහවැලි බී කලාපයේ මිරිස් ගොවීහු පවසති.
මේ දිනවල මිරිස් අස්වනු නෙළුව ද ඒවා වෙලා ගැනීමට වර්ෂාවෙන් බාධා එල්ල වන බවත් ඝනකමින් යුත් මෙම මිරිස් ප්රභේදය වියලා ගැනීමට ගම්මාන මට්ටමින් ගොවීන්ට මිරිස් වෙලා ගත හැකි යන්ත්ර ලබාදෙන බවට කෘෂිකර්ම අමාත්යාංශයේ අදාල නිලධාරීන් පොරොන්දු වුවත් ඒවා නියමිත කලට ලබා නොදීම නිසා වියලා ගැනීමට නොහැකි වූ මිරිස් කිලෝ දහස් ගණනින් කුණුවීමට පටන් ගෙන ඇති බවත් වියලි මිරිස් වෙනුවට ගොවීන්ට අමුමිරිස් කිලෝව රුපියල් 150 ක් වැනි අඩු මුදලකට ලබාදීමට සිදුවීමෙන් විශාල වශයෙන් පාඩු විඳීම්ට සිදුව ඇති බවත් මිරිස් ගොවීහු සඳහන් කරති.
ගිනිදමන, ගල්තලාව, කටුවන්විල, දිඹුලාගල, සෙවනපිටිය, වැලිකන්ද ඇතුළු මහවැලි බී කලාපයේ ගොවීන් හැටකට ආසන්න සංඛ්යාවක් කෘෂිකර්ම අමාත්යංශයේ කෘෂිකර්ම නවීකරණ ව්යාපෘතියට අනුව අක්කර 150කට ආසන්න සංඛ්යාවක මිරිස් වගා කර ඇත.
එක් ගොවියෙකුට මිරිස් වගා කිරීම සඳහා රුපියල් ලක්ෂ තුනක පමණ මුදලක් වැය වී ඇති බවත්, එම මුදල් සොයාගත්තේ තම කන කර බැංකුවට උසස් කිරීමෙන් බවත්, කෘෂිකර්ම අමාත්යංශ නිලධාරීන් අදාළ මිරිස් වේලන යන්ත්රය සහ වෙළඳපලක් හඳුන්වා නොදීමෙන් තමන් දැඩි අපහසුතාවයට පත්ව සිටින බව වැලිකන්ද ගිනිදමන ගම්මානයේ එම ව්යාපෘතියට අනුව මිරිස් වගා කළ ගොවියෙක්වන එල්. එම්. ඩබ්ලිව්. වීරසේකර සඳහන් කළේය.
මිරිස් වගා කළ ගොවීන්ට අදාල බීජ, පුහුණු උපදෙස්, අධීක්ෂණ කටයුතු කෘෂිකර්ම අමාත්යාංශයේ නිලධාරීන් නොමිලේ සිදුකළ ද ගොවීන්ට පොරොන්දු වූ මිරිස් වේලා ගැනීමට අත්යවශ්ය යන්ත්රය එම නිලධාරීන් ලබා නොදීම නිසා ගොවීන් අධෛර්යමත් වී පාඩූ විඳීමක් සමග දැඩි කළකිරීමට පත්ව සිටින බව ඔහු වැඩිදුරටත් පැවසීය.
මෙම මිරිස් ප්රභේදයේ අස්වැන්න ඉතා සාර්ථක බවත්, එම තත්ත්වය මත එළඹෙන කන්නේ දී මහවැලි බී කලාපයේ පමණක් ගොවීන් 300ට වැඩි ප්රමාණයක් අයදුම්පත්ර ලබා දී මිරිස් වගා කිරීම්ට සූදානම්ව සිටින බවත්, මෙම ව්යාපෘතිය සාර්ථක කර ගැනීමට පොරොන්දු වු මිරිස් වේලන යන්ත්රයක්, අදාළ වෙළෙඳ පොළත් සකසා දෙන ලෙස මිරිස් ගොවීන් වෙනුවෙන් තමන් ඉල්ලා සිටින බවත් හෙතෙම මහතා කෘෂිකර්ම අමාත්යංශයේ අදාළ වගකිවයුතු බලධාරීන්ගෙන් ඉල්ලා සිටියේය.
අප ගොවීන් නගන චෝදනා පිලිබදව කෘෂිකර්ම අමාත්යංශයේ කෘෂිකර්ම නවීකරණ ව්යාපෘතියේ උතුරු මැද ප ලාතේ මෙහෙයුම් හා ඇගයීම් නිලධාරි ආර්.එම්.එන්.රත්නායකගෙන් දුරකථනයෙන් කළ විමසීමකදී ඔහු ලබාදුන්නේ මෙවන් පිළිතුරකි.
අපිත් අසරණයි – කෘෂිකර්ම දෙපාර්තමේන්තුව
“ගොවීන් ඔය කියන්නෙ ඩ්රයර් එකේ ප්රශ්නය ගැන. අපි ඒක දෙනවා කියල පොරොන්දු උනා තමයි. නමුත් සල්ලි තිබ්බට ගන්න බැරි දේවල් ගොඩක් තියෙනවා.අපි අනුරාධපුරයට ඒ ඩ්රයර් එකක් අරන් දුන්නා. අපි මොණරාගලට, මුලතිව්, යාපනය, නුවර, සහ පොලොන්නරුවට ඕඩර් කරපුවා තාම ලැබිලා නැහැ . ඕවට යකඩ ගන්ඩ ඕනේ. ඔය යකඩ පිට රටින් ගෙන්වන්න ඕන දේවල්. සල්ලි තිබ්බා කියලා ඒවා අපිට එක පාරට ගෙන්නන්න ක්රමයක් නැහැ. “
“මාස කීපයක් ගත වේවි. මේ ප්රශ්නෙදි අපි හරි අසරණයි. නොහිතපු වැස්සකුත් ආවා. ගොවීන්ගේ මිරිස් අස්වනු වැස්සට තෙමුනා. අපි ඒවා පිළිගන්නවා. අපි උපරිම උත්සාහ කරනවා මේ දෙසැම්බර් මාසෙ වෙද්දි ඒ ඩ්රයර් එක පොලොන්නරුවේ ගොවීන්ට ලබා දෙන්න.“
“ඔය මැෂින් එක හදන්නේ මාතලේ, ඉතින් ලොකු ඕඩරයක් ආපුවහම මාස හතරක් විතර යයි මැෂින් එකක් හදන්න. ඕකයි ඇත්ත කතාව.“
