-
ශාන්ති විහාරී හිමියන් මේ කරන්නේ මත්ද්රව්ය ජාවාරම් කාරයින්ගේ කොන්ත්රාත්තුවක් දැයි සැක බව කොමසාරිස් ජෙනරාල් පවසයි.
ආහාර ප්රශ්නයක් මත කන්දකාඩු රැඳවියන් පැන ගිය බවට මාධ්ය හමු පවත්වමින් වැරදි මතයක් සමාජ ගත කළ දොම්පේ ශාන්ති විහාරී හිමියන්ගේ ප්රකාශවලට එරහිව වැලිකන්ද පොලිස් ස්ථානයේ පැමිණිලි කිරීමට කටයුතු යොදා ඇති බව පුනරුත්ථාපන කොමසාරිස් ජෙනරාල් (විශ්රාමික මේජර් ජෙනරල් ) දර්ශන හෙට්ටිආරච්චි පවසයි .
මේ වනතුරු තමන් වෙත කිසිදු අවස්ථාවක කන්දකාඩුව ප්රතිකාර හා පුනරුත්ථාපන මධ්යස්ථානයේ ආහාර පාන සොරකම් හෝ ගම්මුන් ට බෙදා දීම සම්බන්ධයෙන් පැමිණිලි කර නැති බව ද එවැන්නක් සිදුවී ඇත්නම් තමා කිසිදු අවස්ථාවක නිහඬව සිටින්නේ නැති බවද කොමසාරිස් ජෙනරාල්වරයා කියා සිටියේය.
හෙරොයින් හෝ වෙනත් මත්ද්රව්යය භාවිතයේ යෙදෙමින් සමාජයට හිරිහැරයක් ඇති පිරිසක් පුනරුත්ථාපනය කිරීම සුළුපටු කාරියක් නොවන බව කී කොමසාරිස් ජෙනරාල්වරයා මත්ද්රව්ය ව්යාපාරවලට සක්රිය ලෙස දායකත්වයක් දැක්වූ පිරිස් කන්දකාඩුව ප්රතිකාර හා පුනරුත්ථාපන මධ්යස්ථානයේ පුනරුත්ථාපනය වෙමින් සිටින බවද කීය.
එම පිරිස එලියට ගැනීමට උත්සාහ දරන පිරිසක් පිටත සිට විවිධ ව්යාපෘති ක්රියාත්මක කරමින් සිටින බවට තොරතුරු අනාවරණය වී ඇති බව ද මේ සම්බන්ධයෙන් පුළුල් විමර්ශනයක් සිදු කරමින් සිටින බව ද හෙතෙම කීය.
පොළොන්නරුව තරුණ භික්ෂු පෙරමුණේ ප්රධාන අනුශාසක අභයපුර පුලස්තිගම ශ්රි ශාන්ති නිකේතනාරාමයේ විහාරාධිපති හිමියන් වැරැදි මතයකි සමාජ ගත කරමින් මේ සිදු කරන්නේ ද කිසියම් ව්යාපාරිකයකු ගේ උවමනාවන් ඉෂ්ඨ කිරීමක් විය හැකි යැයිද කොමසාරිස් ජෙනරාල්වරයා කියා සිටියේය.
