කන්ටේන්ර් 323 ගැන තමන් දන්නා තොරතුරු හෙළිදරවු කිරීමට බය බවත් ඒ අත්ත තොරතුරු හෙළි කරන්නට සිදුවන්නේ මේ රටින් පැන ගොස් තමන්ගේ ආරක්ෂාව සලසාගෙන බවත් පාර්ලිමේන්තු මන්ත්රී රාමානාදන් අර්චුනා අද (30)පාර්ලිමේන්තුවේ දී පැවසුවේය.
තමන්ගේ පාර්ලිමේන්තු මන්ත්රී ධූරය අහෝසි කිරීමේ උත්සාහය සාර්ථක වුවහොත් කුඩු නඩුවකට හෝ පටලා ඇතුළට දැමීමේ අවදානමක් නැතැයි හැකිනම් තහවුරු කරන ලෙස කී මන්ත්රීවරයා කීවේ 159 දෙනෙක් එක්ව තමන්ගේ කට වහන්නට උත්සාහ කරන බවය.
මන්ත්රීවරයා මෙසේ ද කීවේය.
තුන්සිය විසි තුනක් කන්ටේනර් ගැන කතා කළා. මම මේක පැහැදිලිවම කියන්නම්. මට නඩුවක් දාලා තියනවා මාව අයින් කරන්න කියලා. ඒක මම උසාවියෙදි බලාගන්නම්.
හැබැයි මට බයයි. මට තියන තොරතුරු ටික ගැන. මම ගාව තියනවා. ඒ කන්ටේනර් 323 ඇතුළෙ තිබුණෙ මොනවද කියලා මට ලිස්ට් එකක් දෙන්න පුලුවන්.
ඒ කොහාට මොන රටෙන් ද ගෙනාවේ කියලා මට කියන්න පුලුවන්. ජර්මනිවලින් එවලා තියනවා. මම ඒක දන්නවා. මගේ ඇහෙන් දැකලා තියනවා. හැබැයි ඒ ලිස්ට් එක දීලා මගේ එම්පී කම නැති කරලා හෙට ගිහිල්ලා කුඩු කේස් එකකට ඇතුළට දාන්නේ නෑ කියලා ඒ ගොල්ලන්ට ඔප්පු කරන්න කියන්න.
ගරු නියෝජ්ය කතානායක තුමනි. ඒ ඇත්ත ලිස්ට් එක මේ පාර්ලිමේන්තුව ඇතුළෙ මම ටේබල් කරන්නම්. ඒ ඇතුළෙ තිබ්බ ඔක්කොම ටික මම පාර්ලිමේන්තුව ඇතුළෙ ටේබල් කරන්නම්.
නැතිනම් මම වෙන රටකට පැනලා ගිහින් ඒ ටික එලියට දාන්න ඕන. මම බය නැතිව කියන්නේ. ඒ 323 ඇතුළෙ මොනවද තිබ්බෙ කියලා මට බය නැතිව කියන්න පුලුවන්.
මේ සම්පූර්ණ ඩීටේල් එක කියන්න පුලුවන්. ඒත් මට බයයි. මැරෙන්න බය නෑ. මේ අය ඕන නැති නඩුවලට මාව දාලා දාලා අදිනවා. දැන් මේගොල්ල ගිහින් තියනවා මන්ත්රී කම නැති කරන්න. එතකොට ඇත්ත ටික එළියට දාන එකේ කට වහන්න පුලුවන්. සීඅයිඩි එකේ ගිහින් මට කියනවා මේවට ඔබතුමාට උත්තර දෙන්න පුලුවන් ද කියලා.
මම කිව්වා මේ… ඔයා ගිහින් පාර්ලිමන්ට ප්රිවිලේජ් ඇක්ට් එක කියවලා බලන්න. මම ඇතුළෙ කියපු දේට එළියෙදි උත්තර බඳින්න ඕන නෑ කියලා.
ඔයගොල්ල 159 එකතුවෙලා මගේ කට වහලා තියෙන්නෙ. මට කතා කරන්න දෙන්නේ නෑ…
