රටේ කථානයක වෛද්ය ජගත් වික්රමරත්න රජයේ නිල නිවාස දෙකක්, කාර්ය මණ්ඩලය 15ක්, වාහන දෙකක්, ඉන්ධන ලීටර 900ක්, කාර්යමණඩලයට වාහන 4ක්, ඇතුළු අයුතු වරප්රසාද රැසක් ලබන බවට මාධ්ය මගින් පලවන තොරතුරු සාවද්ය බව පාර්ලිමේන්තු මහලේකම් කාර්යාලය නිවේදනයක් නිකුත් කරමින් ප්රකාශ කර ඇත.
මේ හෙළිදරවු කිරීම පසුගිය දා මාධ්ය ඉදිරියේ කරනු ලැබුවේ නව ජනතා පෙරමුණේ නායක සුගීෂ්වර බණ්ඩාර විසිනි.
ඔහු පැවසුවේ කථානායක නිල නිවස පවත්වාගෙන යමින් රාජ්ය පරිපාලන සහ ස්වදේශ කටයුතු අමාත්යාංශයෙන් 2025 ජනවාරි මස දී ලොරිස් නිවාස සංකීර්ණයෙන් නිවසක් වෙන් කරගෙන ඇති බවත් එම නිල නිවාසයේ රැඳී සිටින්නේ කථානායකවරයාගේ පෞද්ගලික ලේකම්වරයා බවත්ය. එම ලේකම්වරයාට ආහාර පාන සපයන්නේත් පාර්ලිමේන්තුවෙන් බව සුගීෂ්වර බණ්ඩාර කීවේය.
ඔහු කීවේ මේ රාජ්ය මුදල් අවභාවිතා කාරීම සම්බන්ධව අල්ලස් හෝ දූෂණ විමරශන කොමිසමටත්, අපරාධ පරීක්ෂණ දෙපාර්තමේන්තුවටත් පැමිණිල්ලක් ගොනු කරන බවය.
මේ ප්රකාශය සම්පූර්ණයෙන් ප්රතික්ෂේප කරමින් පාර්ලිමේන්තු මහලේකම් කාර්යාලය විසින් නිකුත් කරනු ලැබූ නිවේදනය පහත දැක්වේ.
පාර්ලිමේන්තුව විසින් කථානායකවරයා සහ ඔහුගේ පෞද්ගලික කාර්ය මණ්ඩලය වෙත සපයා ඇති පහසුකම් සම්බන්ධයෙන් මාධ්යවල පළ වන විවිධ ප්රවෘත්ති වාර්තා පිළිබඳ මාධ්ය නිවේදනය
පාර්ලිමේන්තුවේ ගරු කථානායක වෛද්ය ජගත් වික්රමරත්න මහතා සහ ඔහුගේ පෞද්ගලික කාර්ය මණ්ඩලය වෙත පාර්ලිමේන්තුව විසින් සපයා ඇති පහසුකම් පිළිබඳ මාධ්යවල පළවන විවිධ ප්රවෘත්ති සම්බන්ධයෙන් පාර්ලිමේන්තු මහ ලේකම් කාර්යාලය පහත දැක්වෙන කරුණු අවධාරණය කර සිටියි.
එතෙක් පැවති අසීමිත ඉන්ධන පහසුකම වෙනුවට වත්මන් කථානායකවරයාගේම යෝජනාවකට අනුව කථානායකවරයා වෙත ලබා දෙන ඉන්ධන පහසුකම කැබිනට් අමාත්යවරයෙකුට ලබාදෙන පහසුකම්වලට සමාන වන ලෙස ලබා දීමට 2025 මැයි 02 දින ගරු කථානායක වෛද්ය ජගත් වික්රමරත්න මහතාගේ සභාපතිත්වයෙන් පැවති පාර්ලිමේන්තු කාර්ය මණ්ඩලීය උපදේශක කාරක සභාවේදී තීරණය කරන ලදී. ඒ අනුව වත්මන් කථානායකවරයා වෙත නිකුත් කෙරෙන ඉන්ධන පහසුකම කැබිනට් අමාත්යවරයෙකුට ලබාදෙන ඉන්ධන පහසුකමට සමානව මසකට ලීටර 900 දක්වා අඩු කර තිබෙන බව පාර්ලිමේන්තු මහ ලේකම් කාර්යාලය දන්වා සිටියි.
තවද, ජනාධිපති ලේකම්වරයා විසින් නිකුත් කරන ලද පීඑස්/සීඑස්ඒ/00/1/4/12 දරන 2025.01.21 දිනැති චක්රලේඛ ප්රකාරව කථානායකවරයාට හිමි නිල වාහන දෙක (වාහන අංක CAN 8753/CBI 5198) එතුමා විසින් භාවිත කරන අතර, කථානායක මාධ්ය අංශයේ භාවිතය සඳහා වාහන අංක NC 4923 දරන වෑන් රථය ලබාදී තිබේ.
කථානායකවරයාගේ පෞද්ගලික කාර්ය මණ්ඩලය සඳහා බඳවාගෙන ඇති නිලධාරීන් සංඛ්යාව 08 දෙනෙක් වන අතර, කථානායකවරයාගේ පෞද්ගලික ලේකම්,සම්බන්ධීකරණ ලේකම්, මාධ්ය ලේකම් සහ මහජන සම්බන්ධතා නිලධාරී යන තනතුරු සඳහා අදාළ රජයේ චක්රලේඛවල විධිවිධාන ප්රකාරව නිල වාහන සහ ඉන්ධන පහසුකම් හිමිවේ.
තවද, පාර්ලිමේන්තුවෙන් ලබාදෙන ආහාර සඳහා පාර්ලිමේන්තුවේ අනෙකුත් විධායක නිලධාරීන් හා සමානව කථානායකවරයාගේ පෞද්ගලික ලේකම්වරයාගේ මාසික වැටුපෙන්ද ආහාර වලට අදාළ නියමිත මුදල අය කෙරෙන බවද පාර්ලිමේන්තු මහ ලේකම් කාර්යාලය සඳහන් කරයි.
කථානායකවරයා විසින් සිය නිල නිවස පෞද්ගලිකව හෝ රැස්වීම් සඳහා හෝ වෙනත් කටයුත්තක් සඳහා භාවිත නොකරන අතර කථානායකවරයාට අදාළ සියළු නිල රැස්වීම් සහ රාජතාන්ත්රික හමුවීම් සියල්ල පාර්ලිමේතුවේ පිහිටි කථානායක කාර්යාලයේදී පවත්වනු ලබයි.
එමෙන්ම කථානායකවරයා දැනට තාවකාලිකව පදිංචිවී සිටින කොළඹ 04, ලෝරිස් පටුමගේ පිහිටා ඇති නිවස සඳහා අදාළ මාසික කුලිය 2007.04.20 දිනැති රාජ්ය පරිපාලන චක්රලේඛ 22/2006 ප්රකාරව ඔහුගේ වැටුපෙන් මාසිකව ගෙවනු ලබන බවද පාර්ලිමේන්තු මහ ලේකම් කාර්යාලය දැනුම් දෙයි.
