දිනසේන රතුගමගේ –
යාපනයේ ඌර්කාවතුරේ සිට යාපනයට මගීන් 58 දෙනෙකු රැගෙන ඊයේ (24) රාත්රී කාලයේ ධාවනය වූ ලංගම බස් රථයේ රියදුරා බීමත්ව සිටීම නිසා ඔහුව අත් අඩංගුවට ගෙන ඌර්කාවතුරේ අධිකරණයට ඉදිරිපත් කිරීමෙන් පසුව ඔහුට රුපියල් 30000 ක දඩයක් හා රුපියල් 3000 ක රජයේ ගාස්තුවක් නියම කළ මහේස්ත්රාත්වරයා රියදුරු බලපත්රය වසරක කලයකට තහනම් කරණු ලැබීය.
බස් රථයේ සිටි මගීන් පිරිසක් රියදුරු අධික ලෙස බීමත්ව බස් රථය ධාවනය කරන බව දැක පොලිසියට දුරකතන ඇමතුමක් ලබා දීමෙන් පසුව පොලීසිය බස් රථය නවත්වා රියදුරුව පරීක්ෂා කොට තිබේ.
එහිදී ඔහු බස් රථයක් පැදවීමට නොහැකි වන අන්දමට අධික ලෙස බීමත්ව සිට ඇති බව හෙළි වී ඇත.
පසුව ඌර්කාවතුරේ රෝහලට රියදුරු රැගෙන ගොස් ඔහු සම්බන්ධයෙන් වෛද්ය වාර්තාවක් ලබා ගෙන අධිකරණය වෙත ඉදිරිපත් කොට ඇත.
සැකකරු වරද පිළිගැනීමෙන් පසුව ඔහුට දඩුවම් නියම කරණු ලැබීය.
මේ අතර උතුරු පළාත් ගමනා ගමන මණ්ඩලයේ කලමනාකාරවරයා විසින් සිද්ධියට සම්බන්ධ රියදුරාගේ සේවය අත් හිටුවා විනය පරීක්ෂණයක් ආරම්භ කොට තිබේ.
