ශ්රියානි විජේසිංහ –
මෙරටට අවශ්ය ඖෂධ ගෙන්වා ගැනීම සදහා ඉන්දීය ණය යෝජනාක්රමය මගින් ඇමරිකානු ඩොලර් මිලියන 200ක තවත් ණය මුදලක් ලබා දීමට ඉන්දීය රජය තීරණය කර ඇතැයි සෞඛ්ය අමාත්යංශයේ ඖෂධ නිෂ්පාදනය සැපයීම හා නියාමන රාජ්ය අමාත්යංශයේ හිටපු ලේකම් වෛද්ය සමන් රත්නායක සදහන් කරයි.
ඉන්දීය ණය යෝජනා ක්රමය යටතේ මීට පෙර මෙරටට ලබා දුන් ණය ප්රමාණය ඇමරිකානු ඩොලර් මිලියන 235ක් වන අතර එම මුදලින් ඩොලර් මිලියන 202ක් ඖෂධ ගෙන්වීම සදහා වැය කර ඇති බවද ලේකම්වරයා පැවසුවේය.
ඖෂධ ගෙන්නුවද මේ වන විට රෝහල්වල ඖෂධ වර්ග 102ක හිඟයක් පවතින බවත්, එම හිඟයෙන් 60කට ආසන්න ප්රමාණයක් ලබන මස මැද වන විට සපයා ගැනීමට හැකිවනු ඇති බවත් වෛද්ය රත්නායක කීවේය
එසේම මෙරටට ඖෂධ නිෂ්පාදනය මේ වනවිටත් ආරම්භ කර ඇති නමුත් ඒ සඳහා අමුද්රව්ය විදේශයන්ගෙන් ගෙන්වා ගැනීමට සිදුව ඇති බැවින් ඒ සඳහාද විශාල මුදලක් දැරීමට සිදුවීම බරපතල ගැටලුවක් බවටද අද පත්ව ඇතැයි හෙතෙම පැවසුවේය.
