මේ වන විට දකුණු අප්රිකාව ඇතුළු රටවල් කීපයක පැතිර යන ඔමික්රෝන් වයිරසයට බිය වී දරුවන් පාසල් නොයවා නොසිටින්නැයි ළමා රෝග විශේෂඥ වෛද්ය චන්න ද සිල්වා දෙමාපියන්ගෙන් විශේෂ ඉල්ලීමක්කරයි.
මෙම නව වයිරසය මෙරටට තවමත් පැමිණ නැති පසුබිමක එයට බියවීම පදනමක් නොමැති වැඩන් බැවින් දරුවන්ට නිසි සෞඛ්ය මාර්ගෝපදේශයන් අකුරටම පිළිපදින ලෙස උපදෙස් ලබා දී පාසල් වෙත යැවීමට කටයුතු කළ යුතුයැයි විශේෂඥවරයා සදහන් කරයි. පාසල වෙත දරුවා යාම තුළ දරුවාගේ මානසික සෞඛ්යයට විශාල වාසියක් සැලසෙන බැවින් එය දරුවාගේ අනාගත ආයෝජනයක් ලෙස දැක්විය හැකි යැයිද හෙතෙම පෙන්වාදේ.
කෙසේ වෙතත් මහජන සෞඛ්ය පරීක්ෂවරුන්ගේ සංගමයේ සභාපති උපුල් රෝහණ පෙන්වා දෙන්නෙ නව කොවිඩ් ප්රභේදය මෙරටින් වාර්තා වුවහොත් එම වයිරසයේ හැසිරිම දරුවන්ට කෙසේ බලපාන්නේද යන්න පිලිබඳව විශේෂඥයින් අදහස් පළකර තෙක් දරුවන්ගේ සෞඛ්ය ආරක්ෂාව පිළිබඳ විශේෂයෙන් විමසිලිමත් විය යුතු බවය.
මේ වන විට දරුවන් විශාල සංඛ්යාවකට කොවිඩ් ආසාදනය වී ඇති බවත් එය වගකිව යුතුව ඇත්තේ වැඩිහිටියන් බවත් සංගමයේ සභාපති උපුල් රෝහණ සඳහන් කරයි.
ඇතැම් වැඩිහිටියන් සෞඛ්ය ආරක්ෂිතව කටයුතු නොකිරිම හේතුවෙන් වයිරසය ආසාදනය විම හා ඔවුන් වයිරසය ආසාදනය වූ පසුව දරුවන් ඉදිරියේ නිසි ආරක්ෂිත ක්රමවේදයන් අනුගමනය නොකිරීම දරුවන් අතර රෝගය පැතිර යාමට හේතුවක් වී ඇති බවද ඔහු පෙන්වාදේ.
මේ අතර ඇතැම් පාසල් වල නිසි සෞඛ්ය ක්රමවේදයන් මේ වන විට බිදවැටී ඇති බවද පෙන්වාදෙන උපුල් රෝහණ එය යථා තත්ත්වයට පත් කිරිම හැකි ඉක්මනින් කළ යුතු බවද සදහන් කර සිටියි.
