කීර්ති ප්රනාන්දු –
බොහෝ උවදුරු ඇති බව සැබෑය. එහෙත් ඒ උවදුරු අතරේ බලාපොරොත්තු සහිත සංචාරයක් සඳහා දකුණු අප්රිකානු කණ්ඩායම අද (26) අළුයම මෙරටට පැමිණියේය.
අද අළුයම කටාර් ගුවන් සේවයේ ගුවන් යානයකින් මෙරටට පැමිණ දකුණු අප්රිකානු ක්රිකට් කණ්ඩායම පිළිගැනීමට ශ්රී ලංකා ක්රිකට් ආයතනයේ නිලධාරීන් පිරිසක් ගුවන් තොටුපල වෙත පැමිණ තිබිණි.
විශේෂ ආරක්ෂාව යටතේ කණ්ඩායමේ ක්රීඩක ක්රීඩිකාවන් කොළඹ ඔවුන් ලැගුම් ගන්නා හෝටලය වෙත රැගෙන යන්නට ආරක්ෂක අංශ පියවර ගත්තේය.
දකුණු අප්රිකානු කණ්ඩායම හා ශ්රී ලංකා කණ්ඩායම අතර එක්දින තරග 03කින් සහ පන්දුවාර විස්සයි 20 තරග තුනකින් සමන්විත තරගාවලිය සැප්තැම්බර් මස 02 දා ආරම්භ වේ.
ජෛව බුබුලක් ලෙසින් මෙම සංචාරය තුළ දකුණු අප්රිකානු කණ්ඩායම කටයුතු කරයි.
