දිනසේන රතුගමගේ –
-
අවුරුදු 34ක් තිස්සේ යුද හමුදා කඳවුර පවත්වාගෙන ගිහින් ඇත්තේ පවරා ගත් පුද්ගලික ඉඩමක… ආරක්ෂක තක්සේරුවකින් පසු ඉඩම් හිමිකරුවන්ගේ දීර්ඝ කාලීන ඉල්ලීම් සලකා බලා ඉඩම මුදා හැරලා....
මේ වනවිට සමාජ මාධ්ය ඔස්සේ වැරදි සහගත මතවාදයක් ඇතිකරමින් ප්රචාරණය කරමින් ඇති හමුදා කඳවුර ඉවත් කිරීමේ සැබෑ කතාව ප්රකාශයට පත් වී තිබේ.
යාපනයේ වඩමරච්චි කාර්කෝවලම් ප්රදේශයේ පෞද්ගලික ඉඩමක පවත්වා ගෙන ගිය යුද හමුදා කඳවුරක් මේ මස 30 වෙනිදාට පෙර ඉවත් කර ගැනීමට යුද හමුදා මුලස්ථානය පියවර ගෙන තිබේ.
අක්කර 8 ක වපසරියකින් යුතු මේ ඉඩම අයිතිකරුවන් තුන් දෙනෙකුට අයත් ඉඩම් කොටසක් වන අතර එම ඉඩම්වල අයිතිකරුවන් කාලයක සිට රජයෙන් කරණ ලද ඉල්ල්ලීම් වලට අනුව එම ඉඩමෙන් යුද හමුදා කඳවුර ඉවත් කිරීමට තීරණය කොට තිබේ.
මේ ප්රදේශයේ වැසියන් යුද සමයේදී පළාත් අතහැර යාමෙන් පසුව වඩමරච්චි කාර්කෝවලම් ප්රදේශයේ ආරක්ෂාව පවත්වා ගෙන යාමට හමුදා සේනාංක රඳවා තැබීම සදහා මෙම ඉඩම අත්පත් කරගෙන තිබුණි.
වසර 34 කට පෙර අත්පත් කරගත් මේ ඉඩමේ ස්ථිර ගොඩනැගිලි රාශියක් හා ස්ථිර වගාවන් විශාල සංඛ්යාවක් ඇති අතර කදවුරේ ගොඩනැගිලි හා වගාවන් එලෙසම තිබියදී හමුදා භට පිරිස් හා වාහන පමණක් ඉවත් කර ගැනීමට තීරණය කොට තිබේ.
