දිනසේන රතුගමගේ –
ඉන්ධන හිගයට පියවරක් වශයෙන් හා ධීවරයින්ට ලාබදායී ලෙස සිය කර්මාන්තයේ යෙදීමට රජයෙන් බැටරි වලින් ක්රියා කරන ධීවර බෝට්ටු ලබා දීමට පියවර ගෙන ඇතැයි ධීවර අමාත්ය ඩග්ලස් දේවානන්දා ඊයේ (25 ) දා පැවසීය.
යාපනයේ ධීවරයින් පිරිසක් විරෝධතාවයක නිරත වූ අතර ඔවුන්ගේ ප්රශ්න වලට පිළිතුරු සපයමින් අමාත්යවරයා මේ බව කියා සිටියේය.
බැටරි වලින් ක්රියා කරන ධීවර යාත්රා නිපදවන සමාගමක් විසින් ධීවර අමාත්යංශයට ලබා දුන් බැටරියෙන් ක්රියා කරණ සාම්පල ධීවර බෝට්ටු ඉතා සාර්ථක බවට සනාථ වී ඇති නිසා එවැනි යාත්රා ධීවරයින්ට ලබා දීමට පියවර ගන්නා බවද ඩග්ලස් දේවානන්දා අමාත්යවරයා පැවසීය.
මෙම ධීවර යාත්රා ඉතා සහනදායී මුදලකට සපයා දෙන ලෙස එවැනි යාත්රා නිපදවනු ලබන සමාගමෙන් රජය විශේෂ ඉල්ලීමක් කොට ඇති අතර ඔවුන්ගේ එකගතාවය මත ධීවරයින්ට සහන මිලකට පහසු ගෙවීමේ ක්රමයකට බැටරි වලින් ක්රියාත්මක වන ධීවර යාත්රා ලබා දෙන බවද අමාත්යවරයා මෙහිදී වැඩි දුරටත් සදහන් කළේය.
