ඉන්දීය රජයේ ප්රදාන යටතේ දකුණු පළාතේ සුහුරු පන්ති කාමර 200ක් ස්ථාපිත කිරීම සඳහා වන ව්යාපෘතියක් වෙනුවෙන් දකුණු පළාතේ පාසල් 200ක් සඳහා ඩිජිටල් උපකරණ ලබා දිමේ වැඩසටහනක් ජනාධිපති රනිල් වික්රමසිංහ සහ ශ්රි ලංකාවේ ඉන්දීය මහ කොමසාරිස් සන්තෝෂ් ජා ගේ ප්රධානත්වයෙන් ගාල්ලේ පැවැත්විනි.
ජනාධිපතිවරයා සහ ඉන්දීය මහකොමසාරිස්වරයාට අමතරව අධ්යාපන ඇමති සුසිල් ප්රේමජයන්ත සහ අධ්යාපන රාජ්ය ඇමති සුරේන් රාඝවන්ගේ සහභාගීත්වයෙන් පසුගිය 06 වැනිදා ගාල්ලේ පැවති මෙම උත්සවයෙන් ආරම්භ වූයේ දකුණු පළාතේ සුහුරු පන්ති කාමර ස්ථාපනය කිරීමේ ද්විපාර්ශ්වික ඉහළ බලපෑමක් සහිත ප්රජා සංවර්ධන ව්යාපෘති රාමුව යටතේ සිදුකරන ව්යාපෘතියකි.
ඇමරිකානු ඩොලර් බිලියන 5.5ක වටිනාකමක් සහිතව දීප ව්යාප්තව දියත් කෙරෙන මෙම ව්යාපෘති රාමුව යටතේ ලංකාවේ දිස්ත්රික්ක 18ක් ආවරණය කරමින් විවිධ ක්ෂේත්රවල ප්රදාන ව්යාපෘතීන් 18ක් ක්රියාවට නන්වා ඇති බව ඉන්දීය මහකොමසාරිස් කාර්යාලය කියයි.
මෙම අවස්ථාවේ අදහස් දක්වමින් ජනාධිපති රනිල් වික්රමසිංහ අධ්යාපන ක්ෂේත්රය සඳහා ලබා දෙන විවිධාකාර සහයෝගය සම්බන්ධයෙන් ඉන්දීය රජයට සහ අග්රාමාත්ය ශ්රී නරේන්ද්ර මෝදිවෙත සිය ස්තුතිය පළ කළ බව ඉන්දීය මහ කොමසාරිස් කාර්යාලය කියයි.
මේ අතර මහ කොමසාරිස් සන්තෝෂ් ජා මහතා අවධාරණය කර ඇත්තේ ඉන්දියාව මෑත වසරවලදී අධ්යාපන ක්ෂේත්රය තුළ ඉතා ඉහළ තාක්ෂණික දියුණුවක් ලබා ඇති බවයි. එසේම, එම දියුණුවේ ප්රතිලාභ ශ්රී ලංකාවේ ශිෂ්ය ශිෂ්යාවන්ට සහ ගුරුවරුන්ට ලබා දීමට ඉන්දීය රජය කැපවී සිටින බව ද මහකොමසාරිස්වරයා ප්රකාශ කළේය.
ඉන්දීය රජය දකුණු පළාත තුළ ජනතා කේන්ද්රීය ව්යාපෘතීන් රැසක් ක්රියාවට නංවා ඇති බව සඳහන් කළ මහ කොමසාරිස්වරයා පළාතේ දිස්ත්රික්ක තුන තුළ නිවාස නොමැති ජනතාව සඳහා නිවාස 1300ක් ද ඉදි කෙරෙමින් පවතින බව ප්රකාශ කළේය.
