ඉන්දියාව සහ ඇමරිකා එක්සත් ජනපදය විසින් ඉහළ මට්ටමේ ආරක්ෂක සහ පරිගණක තාක්ෂණ බෙදා ගැනීමේ වැඩසටහනට දියත් කිරීමට සැලසුම්කර තිබේ.
මෙම වැඩසහනට යටතේ ජෙනරල් ඉලෙක්ට්‍රික් විසින් නිපදනවන ජෙට් එන්ජින් ඉන්දියාවේ සහය ඇතිව නිෂ්පාදනය කිරීමටද අපෙක්ෂිත බවට අනාවරණය වේ. ඒ අනුව මෙම ඒකාබද්ධ අධි තාක්ෂණික නිෂ්පාදන කටයුතු දියත් කිරීමේ එක්සත් ජනපද අපෙක්ෂාව වී ඇත්තේ ඉන්දියාව රුසියාවෙන් ඈත් කරමින් පොදු සතුරා වන චීනයට බලපෑමක් කිරීමට බවටද වාර්තාවේ.
එක්සත් ජනපද ජාතික ආරක්ෂක උපදේශක ජේක් සුලිවන් කෙටි සාකච්ඡාවකදී කියා සිටියේ මෙම වැඩසටහන මොස්කව් හෝ බීජිං විසින් එල්ල කරන ලද දේශපාලනික අභියෝග මගින් පමණක් මෙහෙයවනු නොලබන බවයි. එහෙත් චීනයේ ආක්‍රමණශීලී මිලිටරි පියවර සහ ආර්ථික භාවිතයන් “දිල්ලියේ චින්තනයට” සහ ලොව පුරා අනෙකුත් අගනගරවලට දැඩි බලපෑමක් ඇති කර ඇති බව ඔහු වැඩිදුරටත් පැවසීය.
“චීන-රුසියාවේ සාධක සැබෑ ය, නමුත් උසස් තාක්‍ෂණයේ ගැඹුරු, ප්‍රජාතන්ත්‍රවාදී පරිසර පද්ධතියක් ගොඩනැගීමේ අදහස ද එසේමය,” සුලිවන් අඟහරුවාදා වාර්තාකරුවන් සමඟ ඉන්දියා එක්සත් ජනපද හවුල්කාරිත්වය සම්බන්ධයෙන් අදහස් දැක්වීම අතරතුරදී මේබව පැවසීය.
මෙහිදි ඉන්දීය පාර්ශවයෙන් වැඩි උනන්දුවක් දක්වන එක් ක්ෂේත්‍රයක් වනුයේ දේශීයව නිෂ්පාදනය කරන ජෙට් එන්ජින් වන අතර එය ඉන්දීය ප්‍රහාරක ගුවන් යානා සඳහා භාවිතා කිරීමට හැකියාව පවතී.
ඉන්දියානු යුද ගුවන් යානා සඳහා ජෙට් එන්ජින් ඒකාබද්ධව නිෂ්පාදනය කිරීම අනුමත කිරීම සඳහා ජෙනරල් මෝටර්ස් වෙතින් යෝජනාවක් එක්සත් ජනපද නිලධාරීන් විසින් ඇගයීමට ලක් කරමින් සිටින බව සුලිවන් අඟහරුවාදා පැවසීය. එහිදී නිවේදනයක් කෙතරම් ඉක්මනින් පැමිණේදැයි තමන් හට අනුමාන කිරීමට නොහැකි බවත් සඳහන් කළ ඔහු හැකි ඉක්මණින් තම ඉලක්ක අත්පත් කර ගැනීමට කටයුතු කරන බවද පැවසීය.
