යොහානි ගැන අප සිටියේ ඇස් දල්වාගෙනය. ඇය ඉන්දියාවේ දී පාන පෙළහර කුහකකමක් නැති අපේ බහුතර සහෘදයින්ට නම් අපූරු වින්දනයක් ගෙනාවේය.
ඉන්දියාවේ පසුගිය කාලය පුරා පැවැත්වූ ප්රාසාංගික සංගීත චාරිකාව නිමා කළ යොහානි ඊයේ යළි දිවයිනට පැමිණියාය.
ඊයේ (12) රාත්රී 11.25ට ඉන්දියාවේ මුම්බායි සිට ශ්රී ලන්කන් ගුවන් සේවයේ යූ.එල්- 144 දරන ගුවන් යානයෙන් ඇය කටුනායක ගුවන් තොටුපොළ වෙත ආවාය. ඇයට හිමි වූයේ උණුසුම් පිළිගැනීමකි.
මාධ්යය ඇය ගැන උනන්දුය. රසිකයන් සිටින්නේ ඇය පිළිබඳව ඇස් දල්වාගෙනය. ඇයගේ මැණිකේ මගේ හිතේ ප්රතිනිර්මාණිත ගීතය යූ ටියුබ් නැරඹුම් වාර මිලියන 100 ඉක්මවා ගොස් තිබිණි.
ඉතිහාසයේ ගීතයක් “Youtube“ නැරඹුම් වාර ගණන මිලියන 100 ඉක්මවූ පළමු අවස්ථාව මෙය බව ද වාර්තා විය.
ඇය දැන් සිංහල සිංදු 12කින් යුතු ස්වකීය ගීත ඇල්බමයක් සඳහා සූදානම් වන්නීය. තමන් සංගීත ශිල්පියෙක් බවත් සංගීතයෙන් තමන්ට ලැබුණු ජනප්රියත්වය දේශපාලනික හෝ වෙනත් අරමුණු වෙනුවෙන් අවභාවිතා නොකරන බවටත් ඇය ශපථ වන්නීය.
“දේශපාලනයට නම් එන්නෙ නෑ…“ ඇය සිනාසෙන්නීය. සිනාසෙමින් පිළිතුරු දෙන්නේ මාධ්යවේදියෙක් ඔබ දේශපාලනයට එනවා දැයි ඇසූ පැණයටය.
“ මම ආටිස්ට් කෙනෙක්. තවම සංගීතය ඉගෙන ගන්න කෙනෙක්. “ ඇය වැඩිදුරටත් කීවාය.
“ඕනෑම ක්ෂේත්රයක බාධක තියනවා. බාධකවලින් කොහොමද ඉදිරියට යන්නෙ කියන එක හැමෝගෙම ඔළුවෙ තියෙන්න ඕන. “
යොහානී කියන්නීය.
ඒ අවස්ථාව දෙරණ නාලිකාව ආවරණය කර තිබුණේ මෙසේය.
