ලොව විශාලතම එන්නත් නිෂ්පාදකයකු වන ඉන්දියාව නිපදවූ කොරෝනා වයිරස් එන්නත ‘කොවැක්සින්’ මාත්රා මිලියන 20ක පළමු තොගය ඉදිරි සති 2 තුළ ශ්රී ලංකාව ඇතුළු අසල්වැසි රටවලට ලබාදීමට සැලසුම් කර තිබේ.
ඉන්දියාව මෙම එන්නත ලොව පුරා රටවලට සැපයීම සඳහා ප්රතිපත්තියක් සකස් කරන බවත් ඒ අනුව නේපාලය, බංග්ලාදේශය, ශ්රී ලංකාව, ඇෆ්ගනිස්ථානය, සීෂෙල්ස් සහ මොරිෂස් යන රටවලට මුලින්ම සැපයීම සඳහා සේරම් ඉන්ස්ටිටියුට් ඔෆ් ඉන්දියා ලිමිටඩ් සහ භාරත් බයෝටෙක් ඉන්ටර්නැෂනල් ලිමිටඩ් වෙතින් එන්නත් මිලදී ගනු ඇත.
මෙම සැලැස්ම තවමත් සාකච්ඡා වෙමින් පවතී. සමහර සැපයුම් නොමිලේ සහ ආධාර ලෙස සැලකිය හැකි බව එම වාර්තා වැඩිදුරටත් පෙන්වා දෙයි.
පළමු තොගය නැව්ගත කිරීමෙන් පසුව ඊළඟ තොගය ලතින් අමෙරිකාව, අමෙරිකාව සහ පැරණි සෝවියට් රටවලට සැපයීමට ඉන්දියාව අපේක්ෂා කරයි.
ඉන්දියාව මෙම කොරෝනා එන්නත විදේශ රටවල් වෙත මුදාහැරීම ඇරඹූ සැණින් වෙනම ගුවන් යානයක් එන්නත් ගෙන ඒම වෙනුවෙන් යැවීම සඳහා බ්රසීලය දැනටමත් සූදානමින් පසුවෙයි.
