විදුලි බල හා බලශක්ති රාජ්ය අමාත්ය ඉන්දික අනුරුද්ධට සම්බන්ධ දේශපාලන මැර පිරිසක් විසින් ප්රධාන ඕමාන ආයෝජකයෙකුට අයත් කටානේ පිහිටි අල් ඔබේදානි සමාගමේ කළමණාකාර අධ්යක්ෂවරයාට කළ මැර පහරදීම සම්බන්ධයෙන් නීතිය නිසි ආකාරයෙන් ක්රියාත්මක නොවන්නේ ශ්රී ලංකාවේ සිදුකරන මෙහෙයුම් නතරකර සිය ආයෝජනයත් රැගෙන ලංකාවෙන් පිටවී යෑමට ආයෝජකයින් තීරණය කර ඇති බව ශ්රී ලංකාවේ ඕමාන තානාපතිවරයා විදේශ අමාත්ය අලි සබ්රි වෙත අද (03) දැනුම් දී තිබේ.
මේ සම්බන්ධව ලිඛිතව කරන ලද දැන්වීමක් විදේශ අමාත්යවරයා හරහා ජනාධිපතිවරයා වෙත යොමු කිරීමට ද ඕමාන තානාපතිවරයා කටයුතු කර ඇත.
මේ බව දැනුම් දී ඇත්තේ අල් ඔබේදානි සමාගමේ ඉහළ කළමනාකාරිත්වයේ නියෝජිත පිරිසක් අද ශ්රී ලංකාවේ ඕමාන තානාපතිවරයා ද සමග විදේශ අමාත්ය අලි සබ්රි හමුවී උක්ත මැර ප්රහාරය ගැන සාකච්ඡා කළ අවස්ථාවේ දී ය.
මෙම මැර ප්රහාරය සම්බන්ධව මේ වනවිටත් පිළිගත හැකි මට්ටමින් නීතිය ක්රියාත්මක නොකිරීම සම්බන්ධව සිය දැඩි අප්රසාදය පල කර ඇති ඕමාන තානාපතිවරයා ප්රකාශ කර ඇත්තේ විදේශ ආයෝජිකයන් විෂයෙහි දේශපාලන මැර බලය යොදාගෙන සලකන්නේ මෙසේ නම් ශ්රී ලංකාව අනාගතයේ දී කණගාටු දායක ඉරණමකට ගොදුරුවනු ඇති බවය.
එහිදී විදේශ ඇමති අලි සබ්රි දන්වා ඇත්තේ මේ වනවිටත් අදාල සිදුවීම පිළිබඳව ජනාධිපතිවරයාව දැනුම්වත් කර ඇති බවය. පොලිසිය හරහා හැකි උපරිම ලෙස නීතිය ක්රියාත්මක කරවන බවද විදේශ ඇමතිවරයා ඕමාන තානාපතිවරයා වෙත සහතික වී ඇත.
ඕමානයේ අල් ඔබේදානි සමාගම ඕමානයේ ජාතික ඇඳුම නිර්මාණය කරන ප්රධානතම සමාගමය. සීදුවේ පිහිටා තිබුණේ එහි කර්මාන්ත ශාලාවකි. අල් ඔබේදානි සමාගමට අයත් සහෝදර සමාගමක් රෙදි පිළි අලෙවිය සඳහා වූ ජාත්යාන්තර අලෙවිසල් ජාලයකින් යුතුය.
එම සමාගම ධන කුවේරයින් සඳහා ඉතා මිල අධික උසස්ම තත්ත්වයේ නිමි ඇදුම් නිර්මාණය කරනු ලබන සාමගමකි. .
කටානේ පිහිටි අල් ඔබේදානි සමාගමේ කර්මාන්ත ශාලාව තුළ සේවකයෝ තුන්සිය පනහක් පමණ ඍජු ලෙස රැකියාවල නිරතව සිටිති.
කළමනාකාර අධ්යක්ෂවරයාට ඉන්දික අනුරුද්ධට සම්බන්ධ දේශපාලන මැරයින් විසින් පහර දී ඇත්තේ එම ආයතනයේ ප්රවාහන අංශය සඳහා වාහනයක් කුලී පදනම මත යොදවා ගැනීම සම්බන්ධ වූ ගැටලුවක් හේතුවෙනි.
පසුගිය 30 වැනිදා සිදුවූ එම සිද්ධියට සම්බන්ධ පුද්ගලයින් දෙදෙනෙක් අත්අඩංගුවට ගනු ලැබුව ද මේ වනතුරුත් ඔවුන් අධිකරණයට ඉදිරිපත් කර නීතිය ක්රියාත්මක කිරීමට පොලිසිය අසමත් වී ඇත.
