මහනුවර ඇසළ පෙරහර වීදී සංචාරය කරන දින 10 ට අදාළව විදුලිබල මණ්ඩලය මගින් ශ්රී දළදා මාලිගාවට සහ සතර මහා දේවාල සඳහා ඇස්තමේන්තු කර තිබුණු බිල රජයෙන් ගෙවීමට තීරණය කර ඇතැයි මහනුවර දිස්ත්රික් ලේකම් චන්දන තෙන්නකෝන් පැසුවේය.
දිස්ත්රික් ලේකම්වරයා මේ බව පැවසුවේ මෙවර මහනුවර ඇසළ පෙරහර මංගල්යයේ සංවිධාන කටයුතු පිළිබඳ සාකච්ඡා කිරීමට අද සවස (10) දළදා මාලිගාවේ බහුකාර්ය ගොඩනැගිල්ලේ පැවැති විශේෂ සාකච්ඡාවේ දී ය .
මින් පෙර විදුලිබල මණ්ඩලය විසින් පෙරහර මංගල්යය සඳහා වැයවන විදුලිය සඳහා මිල ගණන් ගණනය කර රුපියල් එක්කෝටි තිස් දෙලක්ෂ අනූනව දහසක ඇස්තමේන්තුවක් දළදා මාළිගාවට හා සතර මහා දේවාලයට ඉදිරිපත් කර තිබිණි.
මීට පෙර ඒ ආකාර ඇස්තමේන්තුවක් දේවාලවලට නොලැබුණු බව බස්නායක නිළමේවරුන් ගේ සංගමයේ සභාපති, මහනුවර පත්තිනි දේවාලයේ බස්නායක නිළමේ හේමන්ත බණ්ඩාර ප්රකාශ කළේය. එමෙන්ම එම බිල ගෙවිය නොහැකි බව ද බස්නායක නිලමේවරු දැන්වූහ.
අනතුරුව විදුලි බල මණ්ඩලය රුපියල් එක්කෝටි තිස් දෙලක්ෂ අනූ නව දහසක ඇස්තමේන්තු මුදල රුපියල් ලක්ෂ 71 දක්වා අඩු කළ අතර රජය මගින් දරන බව පැවසුවේ එම රුපියල් ලක්ෂ 71ක මුදලය.
මෙම අවස්ථාවට අස්ගිරි පාර්ශවයේ අනුනායක පූජ්ය ආණමඩුවේ ධම්මදස්සී නාහියින් ද ශ්රී දළදා මාලිගාවේ දියඩවන නිළමේ ප්රදීප් නිලංග දෑල සහ සතර මහා දේවාල බස්නායක නිළමේවරු ද රාජ්ය නිලධාරීන් ද සහභාගි වූහ.
