මෑතකදී ඛලිස්ථාන් හිතවාදී ආධාකරුවන්, ඇමරිකාවේ පිහිටි ඉන්දියානු කොන්සල් කාර්යාලයට ගිනි තැබීමට උත්සාහ කිරීමත් සමඟ ඉන්දියාවට හා එහි රාජ්ය තාන්ත්රිකයින්ට සහය පළ කරමින් ද, සිදුවීම සම්බන්ධයෙන් විරෝධය පළ කරමින් ද, ත්රිවර්ණ ධජ අතැති ඉන්දියානු ඇමරිකානු ප්රජාවේ සාමාජිකයින් සැන් ෆ්රැන්සිස්කෝ හි ඉන්දියානු කොන්සල් කාර්යල ඉදිරිපිට රැස්වූහ.
ජුලි 2 වැනි දින ඛලිස්තාන් හිතවාදී ආධාරකරුවන් පිරිසක් කොන්සල් කාර්යාලයට ගිනි තැබීමට උත්සාහ කළ බව පැවසේ. එම සිදුවීමෙන් විශාල හානියක් හෝ කිසිවෙකුට තුවාල සිදුවී නොමැති අතර පොලිසිය සිද්ධිය සම්බන්ධයෙන් පරීක්ෂණයක් පවත්වයි.
සැන් ෆ්රැන්සිස්කෝ හි ඉන්දීය කොන්සල් කාර්යාලයෙන් පිටත රැස්ව සිටි ඉන්දියානු ඇමරිකානුවන් “වන්දේ මාතරම්”, “භාරත් මාතා කි ජායි” සහ “අඛන්ද් භාරත් සින්දාබාද්” වැනි සටන් පාඨ ඔසවමින් සිටිනු දක්නට ලැබිණි.
“අපි අපේ රාජ්ය තාන්ත්රිකයන් සමඟ සිටිමු” සහ “කොන්සල් කාර්යාලයට ඛලිස්තානි ප්රහාරය ත්රස්තවාදී ක්රියාවක්” වැනි පණිවිඩ රැගත් බැනර් ඔවුන් අතැතිව සිටියහ.
සිද්ධියෙන් පසුව, සැන් ෆ්රැන්සිස්කෝහි ඉන්දීය කොන්සල් කාර්යාලයට එරෙහිව කලීස්තාන් හිතවාදී ආධාරකරුවන් විසින් වාර්තා කරන ලද විනාශකාරී ක්රියා සහ ගිනි තැබීමේ උත්සාහයන් එක්සත් ජනපදය දැඩි ලෙස හෙළා දුටුවේය.
“එක්සත් ජනපදය සෙනසුරාදා සැන් ෆ්රැන්සිස්කෝහි ඉන්දියානු කොන්සල් කාර්යාලයට එරෙහිව වාර්තා වූ විනාශකාරී ක්රියා සහ ගිනි තැබීමේ උත්සාහය දැඩි ලෙස හෙළා දකී. එක්සත් ජනපදයේ රාජ්ය තාන්ත්රික පහසුකම් හෝ විදේශ රාජ්ය තාන්ත්රිකයින්ට එරෙහි විනාශය හෝ ප්රචණ්ඩත්වය සාපරාධී වරදකි, ”එක්සත් ජනපද රාජ්ය දෙපාර්තමේන්තුවේ ප්රකාශක මැතිව් මිලර් සඳුදා (දේශීය වේලාවෙන්) ට්විටර් පණිවුඩයක් නිකුත් කරමින් කියා සිටියේය.
