ශ්රියානි විජේසිංහ –
රජයේ වෛද්ය සැපයුම් අංශය තුළ ඇතැම් නිර්වින්දන ඖෂධ ශුන්ය වී ඇති බැවින් ඉදිරියේදි ශල්යකර්ම සිදුකිරීමේදී බරපතල අර්බුදයකට මුහුණ දීමට සිදුවනු අතැයි නිර්වින්දන සහ දැඩිසත්කා විශේෂඥ වෛද්යවරුන්ගේ විද්යායතනයේ සභාපති අනෝමා පෙරේරා සඳහන් කළාය.
මේ සඳහා වහාම විසදුම් සොයා නොගතහොත් බරපතල සැත්කම්, සිසේරියන් සැත්කම්, හදිසි අනතුරකදී කරනු ලබන සැත්කම් හා දැඩිසත්කාර සේවාවන් පවත්වාගෙන යාම සීමාකිරිමට හෝ නතර කිරීමට සිදුවිය හැකි බව ඇය පෙන්වාදුන්නාය.
ප්රමාද වුවද මේ මොහොතේ හෝ නිසි පියවර නොගතහොත් සැත්කමක් සදහා රෝහලට පැමිණීමට නොහැකි තත්ත්වයක් නිර්මාණය විය හැකි බව ඇය අවධාරණය කළාය.
අක්රමිකතාවන් මගහැර නිසි කළමණාකාරණයෙන් යුතුව කටයුතු නොකළහොත් ජීවිතය පවත්වාගෙන යාමට කරනු ලබන සැත්කම් පවා නතර කිරිමට සිදුවිය හැකි බව ඇය පැහැදිළි කළාය.
මෙය පෞද්ගලික හා රජයේ රෝහල්වලට සෘජුවම බලපානු ලබන ගැටලුවක් බැවින් ඖෂධ භාවිත කිරීමේදී ඒවා අපතේ නොයන ලෙස අරපිරිමැස්මෙන් නියම මාත්රාවන්ගෙන් භාවිත කිරිමට කටයුත කරන්නැයිද ඇය රෝහල් කාර්ය මණ්ඩලවලින් විශේෂ ඉල්ලීමක් කකළාය.
