දිවයිනේ ප්රමුඛතම බෞද්ධ පිරිමි පාසල් ද්විත්වයක් වන ආනන්ද සහ නාලන්දා විද්යාල අතර කොළඹ SSC පිටියේ දී පැවැත්වෙන 94 වැනි “සුලෝහිත සංග්රාමය” වාර්ෂික මහා ක්රිකට් තරඟය නැරඹීමට ජනාධිපති රනිල් වික්රමසිංහ ද අද (03) පස්වරුවේ එක් විය.
දිවංගත ආචාර්ය එන්. එම්. පෙරේරා අනුස්මරණ අභියෝග ශූරතා කුසලානය වෙනුවෙන් “සුලෝහිත සංග්රාමය” මහා ක්රිකට් තරඟය මෙවරත් උත්කර්ෂවත්ව පැවැත්වෙන අතර එහි අවසන් දිනය අදය.
සිසුන් දිරිමත් කරමින් තරගය නැරඹීමට එක් වූ ජනාධිපති රනිල් වික්රමසිංහ තරගය නැරඹීමට පැමිණ සිටි පිරිස සමඟ ද සුහද කථා බහක නිරත විය.
ජනාධිපතිවරයාගේ සම්ප්රාප්තිය සනිටුහන් කරමින් කොළඹ ආනන්ද විද්යාලයේ විදුහල්පති ලාල් දිසානායක සහ නාලන්දා විද්යාලයේ විදුහල්පති ඉරාන් චමිපික ද සිල්වා විසින් ජනාධිපතිවරයා වෙත සිහිවටන තිළිණයක් ද පිළිගැන්වීය.
හිටපු කථානායක කරු ජයසූරිය, හිටපු පාර්ලිමේන්තු මන්ත්රී තිලංග සුමතිපාල, ආරක්ෂක අමාත්යාංශයේ ලේකම් විශ්රාමික ජෙනරල් කමල් ගුණරත්න, ගුවන් හමුදාපති එයාර් මාර්ෂල් උදේනි රාජපක්ෂ, පොලිස්පති දේශබන්දු තෙන්නකෝන් ඇතුළු පිරිසක් මෙම අවස්ථාවට එක්ව සිටියහ.
