මේ වනවිට පාර්ලිමේන්තුවේ බහුතර බලය ජාතික ජන බලවේගය විසින් අත්පත් කරගෙන ඇත. දැනට ආසන 123ක් මාලිමාවටය. සජබට ආසන 31කි.
යාපනය – ඉතිහාසගත පෙරළියක් කරමින් යාපනයේ දී දෙමළ ජාතිවාදී දේශපාල පක්ෂ විසි වී තිබේ. ජාතික ජන බලවේගය යාපනය දිස්ත්රික්කයෙන් ආසන 3ක් ජයග්රහණය කරගෙන දිස්ත්රික්කය ජයගෙන තිබේ. ඉලංගෙයි තමිල් අරුසු කච්චි , සමස්ථ ලංකා දෙමළ කොංග්රසය සහ ස්වාධීන කණ්ඩායම් 17 එක් ආසනය බැගින් හිමි කර ගෙන තිබේ.
ඉලංගෙයි තමිල් අරුස කච්චි – මඩකලපුව දිස්ත්රික්කයේ ආසන 3ක් දිනා ගෙන දිස්ත්රික්කය ජයග්රහණය කර තිබේ.
ඉලංගෙයි තමිල් අරුස කච්චි මඩකලපුව දිස්ත්රික්කයෙන් ආසන 3ක් ජයග්රහණය කර ඇත. මඩකලපුවෙන් ද එක් ආසනයක් ජාතික ජන බලවේගයට හිමිව ඇත. ශ්රී ලංකා මුස්ලිම් කොංග්රසයට එක් ආසනයක් හිමි වී තිබේ.
මහනුවර දිස්ත්රික්කයේ ආසන 9ක්ම මාලිමාවට ය. එය බලාපොරොත්තුවූවාට වඩා දැවැන්ත පෙරළියකි.
ජාතික ජන බලවේගය මහනුවර දිස්ත්රික්කයෙන් ආසන 9ක් ජයග්රහණය කර ඇත. සමගි ජන බලවේගයට ආසන 2ක් හිමි වී ඇත. රනිල්ගේ නව ප්රජාතන්ත්රවාදී පෙරමුණ මහනුවර දිස්ත්රික්කයෙන් එක් ආසනයක් හිමි කරගෙන තිබේ.
පුත්තලම දිස්ත්රික්කයේ ආසන 6ක් මාලිමාවට හිමිවීම තවත් පෙරළියකි. ජාතික ජන බලවේගය පුත්තලම දිස්ත්රික්කයෙන් ආසන 6ක් ජයග්රහණය කරන විට බදියුදීන්ගේ සහය ලබන සමගි ජන බලවේය ආසන 2ක් හිමි කරගෙන තිබේ.
රත්නපුර දිස්ත්රික්කයේ ආසන 8ක් මාලිමාව ජය ගෙන තිබේ. රටේ ආන්දෝලනයක් ඇති කළ සිද්ධි සහිත සමගි ජන බලවේගයේ රත්නපුර කෙළිය ෆේල්ය. සමගි ජන බලවේගය ආසන 3ක් දිනා ගෙන තිබේ. රනිල්ගේ පළපුරුදු පවිත්රා එකෙන්ම විසිවී ගොස්ය. පොහොට්ටුවේ චොකා මල්ලිත් විසිවී ඇත.
කෑගල්ල දිස්ත්රික්කයේ ආසන 7ක් මාලිමාවට ය. ජාතික ජන බලවේගය කෑගල්ල දිස්ත්රික්කයෙන් ආසන 7ක් ජයග්රහණය කරනවිට සමගි ජන බලවේගය ආසන 2ක් දිනා ගෙන තිබේ. පොහොට්ටුවට ගෑස් සිලින්ඩරය විසිවී ගොස්ය.
