මනම්පිටිය නිමල් ජයරත්න –
දිඹුලාගල අධ්යාපන කලාපයේ අසේලපුර මහා විද්යාලයේ 09 ශ්රේණියේ අධ්යාපනය ලබන සිසුන් නව දෙනෙකු අද (07) දහවල් ලබාගත් ආහාර විෂ වීමකින් ඇති වූ ආසාත්මික තත්ත්වය නිසා වැලිකන්ද රෝහලට ඇතුළත් කර ඇති බව වැලිකන්ද පොලිසිය කියයි.
මෙම ආහාර ආසාත්මික තත්ත්වය නිසා ගැහැණු ළමුන් පස් දෙනෙකු සහ පිරිමි ලමුන් සිව්දෙනෙකු මේ වනවිට රෝහලේ ප්රතිකාර ලබන බවත්, ඔවුන්ගේ තත්ත්වය එතරම් බරපතල නොවන බව රෝහල් ප්රකාශකයෙකු අප කළ විමසීමකදී පැවසීය.
09 ශ්රේණියේ සිසුන් කිහිපදෙනෙකු නිවසින් ගෙනා ආහාර එකට මිශ්ර කර පරිභෝජනය කිරීමෙන් මෙම අසාත්මික තත්ත්වය ඇතිවීම නිසා සිසුන් නවදෙනා රෝහල්ගත කර ඇති බවට විදුහල්පතිවරයා කලාප අධ්යාපන කාර්යාලය දැනුවත් කළ බව වැලිකන්ද කොට්ඨාශ අධ්යාපන අධ්යක්ෂ අනිල් කුමාර අප කළ විමසීමකදී පැවසීය.
සිසුන් විසින් නිවසින් ගෙනා, බත්, සෝයාමීට්, බිත්තර, හාල්මැස්සන්, එකට මිශ්ර කර ආහාරයට ගෙන ඇති අතර මේ හේතුවෙන් ඇති වූ ආසාත්මික තත්ත්වයක් නිසා ඔවුන් රෝහල් ගත කර ඇති බව වැලිකන්ද පොලිස් ස්ථානාධිපති පොලිස් පරීක්ෂක සමන්ත රත්නායක පැවසීය
