වෙන්නප්පුව ප්රදේශයේ දි අලුත් අවුරුදු දා (14) අතුරුදහන් වූ දරුවන් තිදෙනා අම්බලන්ගොඩ ගලගොඩ ප්රදේශයේ නිවසක රැඳී සිටිය දී අද (18) පොලිසිය විසින් සොයාගෙන තිබේ.
ප්රදේශයේ පිහිටි කනිටු විදුහලක 10 සහ 09 ශ්රේණිවල අධ්යාපනය ලබන මෙම දරුවන් වෙන්නප්පුවේ ඩිපෝ පාර, දුම්මලගෙදර සහ ජයවීදි මාවත යන ප්රදේශවල පදිංචිකරුවන්ය.
දරුවන් රැඳී සිට ඇත්තේ එක් දරුවෙකුගේ පියාගේ නිවසේ බව වෙන්නප්පුව පොලිසිය පැවසුවේය.
නිවසින් පලාගොස් සිටි අවුරුදු 14 සහ 15 වයස්වල පසුවන මෙම දරුවන් තිදෙනාම ගතකළ ජීවිත අනාරක්ෂිත මෙන්ම ඛේදනීය තත්ත්වය පැවති බව පොලිස් විමර්ශන අංශ කීවේය.
මෙම දරුවන්ගෙන් 14 හැවිරිදි දරුවාගේ මව සහ පියා වෙන්වී ජිවත් වී ඇත. වෙන්නප්පුවේ කොහු මෝලක කුලී වැඩ කරන මව අනියම් පුරුෂයෙක් සමග ගත කරන අතර ඔහුට දාව දරුවෙක්ද බිහි කර ඇති තැනැත්තියකි. පියා අම්බලන්ගොඩ ගලගොඩ ඔහුගේ නිවසේ හිඳිමින් කුලී වැඩක් කරගෙන ජීවත් වෙමින් සිට ඇත. දරුවන් තිදෙනා රැඳී සිට ඇත්තේ එම නිවසේය.
අවුරුදු 15ක් වයස එක් දරුවෙකුගේ මව දරුවාවත් දරුවාගේ පියාවත් අතහැර ගොස්ය. පියා සිටින්නේ ඔත්පලවය. බව පොලීසිය කියන්නේ දරුවාව රැක බලාගන්නේ 73 හැවිරිදි සියා සහ මිත්තනිය විසින් බවය.
සිටින 15 හැවිරිදි අනෙක් දරුවාගේ මව මාස 08කට පෙර පිළිකාවකින් මියගොස්ය. එම දරුවාගේ පියා පෙදරේරුවෙකි.
සංගිත සංදර්ශනයක් බැලීමට ගොස් ප්රමාද වී නිවසට පැමිණීම නිසා පියා ඔත්පලව සිටින 15 හැවිරිදි දරුවාගේ මිත්තනියගේ තරවටු කිරීමටක උරණ වී රැකියාවක් සොයාගෙන නිවසින් පිටවී යෑමට සූදානම් වෙද්දී ඔහුගේ යහලුවන් තිදෙනා ද ඔහු සමගම රැකියා සොයා යෑමට තීරණය කර පසුගිය 14 වැනිදා නිවසින් පිටවී ගොස් තිබේ.
දරුවන් තිදෙනා 14 වෙනිදා දහවල් දුම්මලදෙනියෙන් බස් රථයකට ගොඩවී කොළඹට ගොස් එහි සිට ගාල්ල බලා ගමන් ගන්නා බස් රථයක නැගී අම්බලන්ගොඩ ගොස් ඇති බව විමර්ශන වලින් අනාවරණය වී ඇත.
මිතුරන් දෙදෙනා සමග සිය පියාගේ නිවසට ගිය 14 හැවිරිදි දරුවා පවසා ඇත්තේ මවගෙන් වන හිරිහැර නිසා මිතුරන් දෙදෙනා සමග පියාගේ නිවසට පැමිණි බවය.
වෙන්නප්පුව පොලිසියේ නිලධාරීන් විසින් මෙම දරුවන් සොයා ගැනීමෙන් අනතුරුව පොලිසියට රැගෙන විත් ප්රකාශ සටහන් කරගෙන ඇත.
වෙන්නප්පුව පොලිසිය වැඩිදුර විමර්ශන පවත්වයි.
.
