‘සිරි දළදා වන්දනාව’ වෙනුවෙන් කොළඹ කොටුවේ සිට මහනුවර දක්වා ක්රියාත්මක කර තිබූ විශේෂ දුම්රිය අද (24) සිට නැවත දැනුම්දෙන තුරු ක්රියාත්මක නොකිරීමට තීරණය කර දුම්රිය සාමාන්යාධිකාරීවරයා විසින් එම දුම්රිය අවලංගු කිරීමෙන් අනතුරුව මහනුවර කොටු වී සිටින ලක්ෂ සංඛ්යාත ජනතාවකට යළි ගම් බිම් බලා ගමන් කිරීමට නොහැකි වීම නිසා අද මහනුවර දුම්රිය ස්ථානයේ බරපතල තත්ත්වයක් උද්ගත වුයේය.
ඊයේ දිනය වනතුරු විශේෂ දුම්රිය සේවාවක් මගින් ජනතාව නුවරට ගෙනැවිත් තිබිණි. අද දිනය වනවිට පෝලිම්වල හාර ලක්ෂ පනස් දහසක ජනතාවක් ගොනුවී සිටියහ. දිනපතා හැට දහසක් අසූ දහසක් අතර පිරිසක් දළදා වන්දනා කර මහනුවරින් පිට කළ යුතුය.
එහෙත් මේ තත්ත්වය සම්බන්ධ කිසිම ඇගයීමක් නොකර පොලීසියේ ඉල්ලීම පරිදි තීරණය දුම්රිය සාමාන්යාධිකාරී ගත් තීන්දුව මත මේ වනවිට දහස් සංඛ්යාත ජනතාවක් මහනුවර දුම්රිය ස්ථානයේ යන එන මං නැතිව අසරණව සිටිති.
මේ අද මහනුවරට පැමිණි බදුල්ලේ සිට කොළඹ බලා යන පොඩි මැණිකේ දුම්රියට නැගීමට දිවි පරදුවට තබා පොරකන ජනතාව මේ වීඩියෝවේ පෙනේ.
මේ රටේ වගකිවයුතු රාජ්ය අංශ තීන්දු ගන්නේ මේ තරම් ගොබ්බ විදිහට ද? කෙසේ වෙතත් මේ පිළිබඳව කළ විමසීමකදී මහනුවර දුම්රිය ස්ථානාධිපති කේ. රත්නායක පැවසුවේ විනාඩි 45කට වරක් යන දුම්රිය සේවාවේ වේලා කාලසටහනේ වෙනසක් සිදුකර දුම්රිය ගමන්වාර අඩු කර ඇතත් සේවාව දිගටම පවත්වාගෙන යන බවය. “අන්තිම මස්නුනයා දක්වා ගෙනියනවා. මිනිස්සුන්ට හානියක්වන අයුරින් දුම්රිය ගමන් වෙනස් වෙලා නෑ.” ඔහු කීවේය.
