කටකතා ප්රවෘත්ති නොකරන ලෙසත් මාධ්ය භාවිතයේ දී අවම සදාචාරයක් හෝ පවත්වා ගන්නා ලෙසත් අගමැතතිනී ආචාර්ය හරිනි අමරසූරිය අද (26) මාධ්යයෙන් ඉල්ලා සිටියාය.
අද (26) ඌව පලාතේ පැවති රැස්වීමකට එක් වෙමින් ඇය කීවේ තමන් රනිල් වික්රමසිංහ සමග එක්වීමට සූදානම් බව කලින් ප්රවෘත්තියක් නිර්මාණය කළ බවය. දැන් එක්තරා මාධ්ය නාලිකාවක් අත් අඩංගුවේ පසුවන රනිල් වික්රමසිංහ බැලීමට තමන් ගිය බවට පුවත් මවන බවත් කී අගමැතිනිය අඩුම තරමින් ප්රවෘත්තියක් පල කරද්දී ඒ ගැන තමන්ගෙනුත් විමසීමේ සදාචාරයක් පවත්වා ගන්නා ලෙස මාධ්යය ට දැන්වූවාය.
මේ බොරු ප්රවෘත්තියට අදාලව අවශ්ය ක්රියාමාර්ග ඉදිරියේ දී ගන්නා බව ද ඇය මාධ්ය අමතා කීවාය.
“මම ඊයේ අගමැති කාර්යාලයෙන් මේ ගැන නිසි පිලිතුරක් දුන්නා. සාවද්ය තොරතුරු ප්රකාශ කරන අයට මම හිතන්නේ ඉදිරියේ දී අපට ක්රියාමාර්ගයක් ගන්න වෙනවා. මේ විදිහට බොරු ප්රවෘත්ති නිර්මාණය කරන්නේ කොහොම ද?”
“මම කියන්නෙ මෙච්චරයි. මම ගියානම් මම ගිය බවට පලවෙන ප්රවෘත්තියට මොනවා හරි සාක්ෂියක් තිබෙන්න එපැයි. ඒ සාක්ෂිය ඉදිරිපත් කරන්න. එහෙම නිකම් ප්රවෘත්තිය පල කරන්න බෑනේ. කොහෙන්ද ඒ තොරතුර ආවේ. මාව දැක්ක ද?, ”
“මොකද අගමැති හැටියට මට ඕන ඕන තැන්වලට ඕන ඕන හැටියට යන්න බෑ. මට හොරෙන් යන්න බෑනෙ කොහෙටවත්… ඒ නිසා මම ගියා කියලා ඔප්පු කරන්න දැන්. ”
“ඒ මාධ්ය ආයතනයේ මාධ්ය වේදීන් නැද්ද අද මෙතන… ඉන්නව නේ… එහෙමනම් මම කියනවා මම ගිය බව ඔබතුමන්ලා ඔප්පු කරන්න. එතකොට හරිනේ. ප්රශ්නය විසඳෙනවා. එතකොට මම වැරදිය. මම බොරු කියනවා කියලා ඔබතුමාලා ඔප්පු කරන්න…”
