අයවැය කටයුතු සඳහා අවශ්ය අරමුදල් සපයා ගැනීම වෙනුවෙන් කැබිනට් මණ්ඩල අනුමැතියකින් පසු අද (27) ලංකාව හා ලෝක බැංකුව අයවැය ආධාර ගිවිසුමකට එළඹෙනු ඇත.
රොයිටර් වාර්තා කළේ හෙට ( 28 ) පැවැත්වෙන ලෝක බැංකු අධ්යක්ෂ මණ්ඩල රැස්වීමේදී ලෝක බැංකුව ශ්රී ලංකාව සඳහා අයවැය සහ සුබසාධන ආධාර වශයෙන් ඩොලර් මිලියන 700ක් අනුමත කිරීමට ඉඩ ඇති බවත්, එයින් ඩොලර් මිලියන 200ක් සුබසාධන වැඩසටහන් සඳහා වන බවත්ය.
රජය අද (27) කියා සිටියේ ලෝක බැංකු ආධාරය වූ ඩොලර් මිලියන 700 කොටස් දෙකකින් ලැබෙන බවය.
ඒ අනුව අයවැය ආධාර ලෙස ඩොලර් මිලියන 500ක් හා සුබසාධන වැඩසටහන් සඳහා ඩොලර් මිලියන 200ක් ලැබෙනු ඇති බව වාර්තා වේ.
පසුගිය මාර්තු මාසයේ දී ජාත්යන්තර මූල්ය අරමුදලින් ශ්රී ලංකාවට ලබාදීමට එකඟ වූ ඩොලර් 2.9ක විස්තීර්ණ ණය පහසුකමෙන් අනතුරුව මෙරටට ලැබුණු විශාලතම මුල්ය සහාය මෙය ය.
දරුණු ආර්ථික අර්බුදයකට මුහුණ දී සිටින ශ්රී ලංකාව පසුගිය වසරේ 7.8% ක වාර්තාගත ආර්ථික හැකිලීමක් පෙන්නුම් කළේය.
ලබන වසරේ ආර්ථික වර්ධනයට ආපසු යාමට පෙර මේ වසරේ ආර්ථිකය 2% කින් හැකිලෙනු ඇතැයි අපේක්ෂා කෙරේ.
