2022 අයවැය හිඟය දළ දේශීය නිෂ්පාදිතයෙන් 8.8%ක් එනම් රුපියල් බිලියන 1628ක් බව මුදල් අමාත්ය බැසිල් රාජපක්ෂ මහතා අද පාර්ලිමේන්තුවට ඉදිරිපත් කළ අයවැය කතාවේදී සඳහන් කළේය.
2022 වර්ෂයේ දී දළ දේශීය නිෂ්පාදිතයට සාපේක්ෂව 11.1%ක ආර්ථික වර්ධනයක් අපේක්ෂා කරන අතර එමගින් රුපියල් බිලියන 1826ක අදායමක් වර්ධනය කර ගැනීම අපේක්ෂාවයි.
මෙවර අයවැය ඉදිරිපත් කරමින් බැසිල් රාජපක්ෂ අමාත්යවරයා පුරෝකතනය කර ඇත්තේ රුපියල් බිලියන 2274ක රටට සමස්ත ආදායමක් ලැබෙනු ඇති බවය.
එය 2021 වර්ෂයේ දී බිලියන 1556ක් විය.
පුනරාවර්තන වියදම් ලෙස 2022 වසර සඳහා රුපියල් බි 2996ක මුදලක් ඇස්තමේන්තු ගත කර ඇත.
ජංගම ගිණුමේ හිඟය රුපියල් බිලියන 1261 සිට රුපියල් බිලියන 772ක් දක්වා අඩු කිරීමට අයවැය මගින් ඉලක්ක කර තිබෙන බව බැසිල් රාජපක්ෂ මහතා සඳහන් කළේය.
ප්රාග්ධන වියදම් රුපියල් බිලියන 582 සිට රුපියල් බිලියන 931 ක් දක්වා ඉහළ යා හැකි බව ද ඔහු සඳහන් කළේය.
දළ දේශීය නිෂ්පාදිතයට සාපේක්ෂව ආදායම 9.4% සිට 2022 වර්ෂයේ දී 12.3%ක් දක්වා ඉහළ දැමීම කෙරෙහි අදාල වන යෝජනා ඔහු අයවැය ඉදිරිපත් කළේය.
අද දින පාර්ලිමේන්තුවට ඉදිරිපත් කරන ලද්දේ නිදහස් ලංකාවේ ආණ්ඩුවක් විසින් ඉදිරිපත් කළ 76 වැනි අය-වැය යි.
