-
GMOA සුරතලෙක් මෙන්ම දේශපාලන හෙංචයියෙක් බවට චෝදනා ලද දුලාන් සමරවීර තමන් ඉල්ලා අස් වූ බවට ප්රචාර යවන බව රෝහල් ආරංචි මාර්ග කියයි…
අනුරාධපුර රෝහලේ වැඩ බලන අධ්යක්ෂවරයා ලෙස කටයුතු කළ වෛද්ය දුලාන් සමරවීර වහාම ක්රියාත්මක වන පරිදි එම තනතුරෙන් ඉවත් කර ඇතැයි සෞඛ්ය අමාත්යංශය ආරංචි මාර්ග සදහන් කරයි.
පසුගියදා රෝහලේ වෛද්යවරියක්ව රෝහල තුළදීම දූෂණයට ලක්වීමේ සිදුවීම රෝහල් පරිපාලනයේ දුර්වලකම හේතුවෙන් සිදුවූවක් බවට සියලුම අංශවලින් චෝදනා එල්ල වීමත් සමඟ ඔහු සේවයෙන් ඉවත් කර ඇත.
කෙසේ නමුත් රෝහල් අධ්යක්ෂවයා ලෙස තේරී පත්වී සිටි පොළොන්නරුව රෝහලේ අධ්යක්ෂවරයාට අනුරාධපුර රෝහලේ අධ්යක්ෂ තනතුරේ වැඩ භාර ගැනීමට සෞඛ්ය අමාත්යංශයේ ඇතැම් නිලධාරින් ද ඉඩ ලබා දී නොතිබිම හේතුවෙන් වෛද්ය දුලාන් සමරවීර සිය දේශපාලන බලයද භාවිත කරමින් වැඩබලන අධ්යක්ෂ තනතුරේ රැඳී සිටි බව වාර්තාවේ.
කෙසේ නමුත් වෛද්ය දුලාන් සමරවීර තමා සිය තනතුරෙන් ඉල්ලා අස්වූ බව සෞඛ්ය ලේකම්වරයාට සහ සෞඛ්ය සේවා අධ්යක්ෂ ජනරාල්වරයාට දැනුම් දුන් බව පවසමින් WhatsApp පනිවිඩයක් මගින් ප්රචාරය කරමින් සිටින බවද රෝහල් ආරංචි මාර්ග සඳහන් කරයි.
