නොබෙල් සාම ත්යාගලාභී මුහම්මද් යුනුස් අද (08) නව අන්තර්වාර රජයක් මෙහෙයවීම සඳහා බංග්ලාදේශයට ආපසු පැමිණියේ ය. ඒ සති කිහිපයක කැලඹිලි සහිත ශිෂ්ය විරෝධතා හේතුවෙන් අගමැතිනි ෂීක් හසීනාට ඉල්ලා අස්වී අසල්වැසි ඉන්දියාවට පලා යාමට පසුය.
හසීනාගේ දැඩි විවේචකයෙකු වන 84 හැවිරිදි යුනුස්, නව නායකයෙකු තෝරා ගැනීම සඳහා මැතිවරණයක් පැවැත්වීමේ වගකීම පැවරී ඇති අන්තර්වාර ආන්ඩුවක ප්රධාන භූමිකාව සඳහා යෝජනා කරන්නේ විරෝධතා කරුවන් විසිනි. විරෝධතාකරුවන්ගේ ඉල්ලීමෙන් අනතුරුව පැරිසියේ වෛද්ය ප්රතිකාර ලැබීමෙන් පසු මහමුද් යූනුස් ඩකා වෙත පැමිණියේය. එහිදී ජ්යෙෂ්ඨ හමුදා නිලධාරීන් සහ ශිෂ්ය නායකයින් ඔහුව පිළිගත්හ.
ශිෂ්ය විරෝධතාකරුවන් රට බේරා ගත් බවත් දැන් ඒ ලබා ගත් නිදහස ආරක්ෂා කළ යුතු බවත් කියමින් ඔහු පැවසුවේ “අපේ සිසුන් අපට පෙන්වූ මාර්ගය කුමක් වුවත් අපි ඒ සමඟ ඉදිරියට යමු” යනුවෙනි.
“ඉතා සුන්දර ජාතියක් බවට පත්වීමේ හැකියාවක් අපට තිබෙනවා, දැන් නැවතත් අපට නැගී සිටිය යුතුයි. මෙහි සිටින රජයේ නිලධාරීන්ට සහ ආරක්ෂක ප්රධානීන්ට – අපි පවුලක්, අපි එකට ඉදිරියට යා යුතුයි.” ආර්ථික විද්යාඥයා ගුවන් තොටුපළේදී පැවසුවේය.
යුනුස් ජනාධිපති මොහොමඩ් ෂහාබුදීන්ගේ නිල නිවසේ දී අන්තර්වාර පාලනයේ ප්රධානියා ලෙස දිවුරුම් දීමට නියමිතය. වත්මන් ජනාධිපතිවරයා ඔහුගේ උපදේශක කණ්ඩායමේ ප්රධානියා ය.
මිනිසුන් 300ක් පමණ මිය ගිය සහ දහස් ගණනකට තුවාල සිදු කළ සති කිහිපයක ප්රචණ්ඩ ක්රියාවලින් පසු සඳුදා ඉල්ලා අස්වීමෙන් පසු පලාගිය හසීනාගේ අවාමි ලීග් පක්ෂය අන්තර්වාර ආන්ඩුව තුළට කැඳවා නැත. එහෙත් ෆේස් බුක් සටහනක් තබමින් ඇයගේ පුත් සජීබ් වසේඩ් ජෝයි කියා සිටියේ පක්ෂය දේශපාලනය අත් නොහළ බවත්, විරුද්ධවාදීන් සහ අන්තර්වාර රජය සමඟ සාකච්ඡා කිරීමට සූදානම් බවත්ය.
“මගේ පවුල තවදුරටත් දේශපාලනයට සම්බන්ධ නොවන බව මා කීවා.., නමුත් අපගේ පක්ෂ නායකයින්ට සහ පාක්ෂිකයින්ට පහර දෙන ආකාරය අපට අත්හැරිය නොහැකියිතතත,” ඔහු බදාදා පැවසීය.
“දුප්පතුන්ගේ බැංකුකරු” ලෙසින් හැඳින්වෙන යුනුස්, 2006 වසරේ නොබෙල් සාම ත්යාගය ලැබුවේ අවශ්යතා ඇති ණය ගැතියන්ට කුඩා ණය ලබා දීමෙන් දිළිඳුකමට එරෙහි සටනට පුරෝගාමී වූ බැංකුවක් ආරම්භ කිරීම වෙනුවෙන් ය.
හසීනා පලාගිය පසු ඉන්දිය විරෝධය –
ජනවාරි මාසයේ දී අඛණ්ඩව සිව්වන වරටත් ජයග්රහණය කිරීමෙන් අනතුරුව පසුගිය වසර 30 න් 20 ක් පාලනය කළ හසීනා රටින් පලා යාම, ප්රීති ඝෝෂා සහ ප්රචණ්ඩත්වය ඇති කළේ, සෙනඟ කඩා වැදී ඇගේ නිල නිවස කොල්ලකෑමෙනි.
ඇය ඉන්දියාවේ නවදිල්ලි අගනුවර අසල ගුවන් කඳවුරක නවාතැන් ගෙන සිටින්නී ය. හසීනාට ලැබෙන ඉන්දීය රැකවරණය අනුව යුනුස් සිදුකළ ඉන්දීය විරෝධී ප්රකාශයන් දැන් බංග්ලාදේශ ජාතිකයින් අතර ඉන්දියාව කෙරෙහි කෝපයක් ඇතිකර තිබේ.
හසීනාගේ පරම ප්රතිවාදියා සහ බීඑන්පී නායිකා 78 හැවිරිදි ඛලීඩා සියා, නිවාස අඩස්සියේ සිට නිදහස් වූ පසු ඊයේ (07) පැවති රැළියකදී සිය ගණනක් ආධාරකරුවන් වෙත සිය රෝහල් ඇඳේ සිට වීඩියෝ දේශනයකදී කීවේ සන්සුන්වන ලෙසය. ප්රචණ්ඩත්වය අවසන් කරන ලෙස ඇය ඉල්ලා සිටියාය.
BNP මාස තුනකින් මැතිවරණයක් ඉල්ලා සිටි බව ද ඇය පැවසුවාය.
