දින 25ක අලුත්වැඩියා කටයුතු සඳහා අද (13) මධ්යම රාත්රියේ සිට නොරොච්චෝලේ 3වන ජනන යන්ත්රය නතර කෙරෙන බව විදුලිබල මණ්ඩලය පවසයි.
ඒ හේතුවෙන් ජාතික විදුලිබල පද්ධතියට මෙගාවොට් 300ක ධාරිතාවයක් අහිමි වීමට නියමිතය. එහෙත් ජනන යන්ත්ර 2ක් ක්රියාකාරී මට්ටමේ පැවතීම හේතුවෙන් විදුලිබල සැපයුමට කිසිඳු බාධාවක් ඇති නොවන බව විදුලිබල මණ්ඩලයේ මාධ්ය ප්රකාශක ධම්මික විමලරත්න කියයි.
3වන ජනන යන්ත්රය යළි ජාතික පද්ධතියට සම්බන්ධ කිරීමෙන් අනතුරුව නොරොච්චෝලේ බලාගාරයේ පළමු ජනන යන්ත්රය අලුත්වැඩියා කටයුතු සඳහා යොමු කිරීමට නියමිතව තිබේ.
දැනට මාස 1 1/2ක කාලයක් මුළුල්ලේ අලුත්වැඩියා කටයුතු සඳහා යොමුකර තිබූ කැලණිතිස්ස සංයුක්ත චක්රීය බලාගාරය විදුලි ජනන කටයුතු සඳහා ඉදිරි දින කිහිපය තුළ යළි එක් කිරීමට නියමිතය.
එමගින් ජාතික විදුලිබල පද්ධතියට මෙගාවොට් 165ක ධාරිතාවයක් එක් කෙරෙනු ඇත
