කීර්ති ප්රනාන්දු –
තරුණයින් දෙදෙනෙක් විසින් ගම්පහ රෝහලට ඇතුළත් කළ පසු මිය ගිය 15 හැවිරිදි දැරිය ගම්පහ බෙම්මුල්ල බුලත්ගංගොඩ පදිංචි දැරියක් බවත් ඇයව රෝහලට ඇතුළත් කර ඇත්තේ ඇය සමග අඹුසැමියන් ලෙස හැසිරෙමින් සිටි 27 හැවිරිදි තරුණයා සහ ඔහුගේ යහලුවෙක් බවත් පොලිස් විමර්ශනවල දී හෙළි වී ඇත.
දැරිය රෝහලට ඇතුළත් කළ පසු මිය බව දැනගත් වහාම මෙම තරුණයින් දෙදෙනා පලාගොස් තිබිණි. මේ වනවිට එම තරුණයින් දෙදෙනාත් දැරියව රෝහලට ගෙනා මෝටර් රථයත් අත්අඩංගුවට ගෙන බෙම්මුල්ල පොලිසිය මගින් විමර්ශන ආරම්භ කර තිබේ.
වාර්තාවන පරිදි සිද්ධිය මෙසේය.
මියගොස් ඇත්තේ ඉලන්දාරි පේඩිගේ නදිනි ප්රියංගනී තත්සරණි නැමැති දරියකි. මෙම දැරියට වයස අවුරුදු 15 පිරී ඇත්තේ මීට දින කීපයකට පෙරය.
ඇය වයස අවුරුදු 13 දී මනෝජ් ප්රියංකර නැමැති මෙම සැකකාර තරුණයා සමග රහසේ පැන ගොස් එම තරුණයාගේ නිවසේ ජීවත් වෙමින් සිට තිබේ. මෙම තරුණයා මත්ද්රව්ය වැරදි සඳහා චෝදනා ලැබුවෙක් බව පොලිසිය කියයි. කෙසේ වෙත්ත ඔහු බැකෝ ක්රියාකරුවෙක් ලෙස ඒ වනවිට රැකියාවේ නිරත වෙමින් සිට ඇත.
දැරිය රහසේ පැන ගිය පසු වේයන්ගොඩ පොලිසිය විසින් දැරියත් දැරිය සමග මෙම තරුණයාත් තරුණයාගේ මවත් අත්අඩංගුවට ගෙන දැරිය පරිවාස භාරයට යොමු කර ඇත. තරුණයාත් ඔහුගේ මවත් අත්අඩංගුවට ගෙන බන්ධනාගාරගත කර උසාවියට ඉදිරිපත් කිර තිබේ.
අනතුරුව මෙම දැරිය පරිවාස භාරයෙන් පසුගිය ජනවාරි 31 දා පැන විත් මෙම තරුණයාත් සමග ගම්පහ ප්රදේශයේ කුලී නිවසක ජීවත් වෙමින් ඇත.
අනතුරුව මීට මාස දෙකකට පෙර මෙම දැරියත් සමග ඔහුගේ නිවසට පැමිණ ජීවත් වෙමින් සිට ඇත.
මේ බාල වයස්කාර දැරිය සම්බන්ධව දැරියගේ දෙමව්පියන්, ග්රාම සේවක හෝ වෙනත් කිසිම පුද්ගලයෙක් පොලිසිය දැනුම්වත් කර නැති බව පොලිසිය කියයි.
මෙම නිවස තුළ නිරන්තරව අඬ දබර ඇති වී තිබෙන බවත් එම තත්ත්වය තුළ තරුණයාගේ දෙමව්පියන් නිවසේ රැඳී නොසිට ලඟ නිවෙස්වල රැය පහන් කරන බවත් හෙළි වී ඇත.
ඊයේ රාත්රියේ ඇති වූ සිද්ධියකින් අනතුරුව මෙම තරුණයා දැරියට බරපතල ලෙස පහර දී තිබේ. එම පහර දීම නිසා සිහි සුන් වී ඇති දැරිය පහුවදා උදේ 7.30ට පමණ රෝහලට රැගෙන ගොස් ඇත්තේ තරුණයාගේ මිතුරෙකුගේ වාහනයකිනි.
රෝහලට ඇතුළත් කර පසු දැරිය මියගොස් ඇති බව වෛද්යවරුන් සැල කිරීමත් සමගම මේ දැරිය සමග අඹුසැමියන් ලෙස හැසිරුණ තරුණයාත් ඔහුගේ මිත්රයාත් රෝහලින් පලා ගොස් තිබේ.
කෙසේ වෙතත් එසේ පලායන අතර තරුණයා දැරියගේ මව්පියන්ට දුරකථනයෙන් කතා කර දැරිය අසනීප වී රෝහල්ගත කර ඇති බව දන්වා ඇත. ඔවුන් රෝහලට ගොස් දැරිය හඳුනා ගන්නේ ඉන් පසුවය.
මේ වනවිට දැරිය රෝහලට ගෙන ගිය වාහනය, වාහනය පැදවූ සැකකාර තරුණයාගේ මිතුරා පොලිස් අත්අඩංගුවට ගෙන තිබේ. බෙම්මුල්ල පොලිසියේ අපරාධ අංශයේ ස්ථානාධිපති බී.ජේ බණ්ඩාරගේ මූලිකත්වයෙන් මූලික පරීක්ෂණ පැවැත්වෙමින් ඇත.
පශ්චාත් මරණ පරීක්ෂණය හෙට පැවැත්වේ. දැරියගේ සිරුර ගම්පහ රෝහලේ මෘතශරීරාගාරයේ තැන්පත් කර තිබේ.
