ශ්‍රියානි වි‌ජේසිංහ –
කොළඹ ජාතික රෝහලේ රුපියල් ලක්ෂ අසූවකට ආසන්න අතිකාල මුදල් සොරාගෙන ඇත්තේ, පශ්චාත් වෛද්‍ය පුහුණුව මෙරට දී අවසන් කර කායික රෝග වෛද්‍යරයෙකු යැයි රෝහලේ ජ්‍යෙෂ්ඨ ප්‍රකාශකයෙකු සඳහන් කළේය..
මෙම වෛද්‍යවරයා වැඩිදුර පුහුණුව සදහා මේ මස සිට අනුරාධපුර ශික්ෂණ රෝහල වෙත අනුයුක්ත කර ඇති බවද හෙතෙම පැවසීය.
විදේශ පුහුණුව නිමකිරීමෙන් පසුව ඔහු කායික රෝග විශේෂඥ වෛද්‍යවරයෙකු ලෙස සේවයට බැඳීමට ඇත්තේ තවත් සුළු කාලයක් පමණක් යැයි ද පැවසේ.
කොළඹ ජාතික රෝහලේ අතිකාල මුදල් බහාලූ බෑගය වෙස්වලාගත් පුද්ගලයෙකු සෙල්ලම් පිස්තෝලයක් පෙන්වා සේවකයින් බියගන්වා පැහැරගැනීමේ සිද්ධියක් වාර්තා වූයේ අද (9) දහවලේදීය.
රෝහලේ සුලු සේවකයෙකු සහ ආරක්ෂ නිලධාරීන් දෙදෙනෙකු විසින් මොහුව අල්ලා පොලීසියට භාර දී ඇත.
මෙම වෛද්‍යවරයා අතිකාල මුදල් සොරා ගන්නා අවස්ථාවේ දී බීමතින් සිට ඇති බවත් ඔහුගෙන් වැඩිදුර ප්‍රශ්න කිරීමේදී සඳහන් කර ඇත්තේ ඔහු විශාදයට ප්‍රතිකාර ලබා ගන්නා අයෙකු බව යැයි ද රෝහල් ප්‍රකාශකයා වැඩිදුරටත් සදහන් කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙම වෛද්‍යවරයා මුදල් සොරා ගෙන ඇත්තේ කුමක් සදහා ද යන්න පිළිබදව මෙතෙක් අනාවරණය වී නොමැත. කෙසේ නමුත් මෙම වෛද්‍යවරයාගේ බිරිඳ හෙදනිලධාරිනියක් බවද ඔහු පැවසීය.