පුත්තලම මහෙස්ත්රාත්වරිය විසින් කරන ලද අක්අඩංගුවයට ගැනීමේ නියෝගයෙන් පසුව අද පෙරවරුවේ නීතීඥයකු සමඟ පොලිසියට භාර වූ පුත්තලම දිස්ත්රික් පාර්ලිමේන්තු මන්ත්රී අලි සබ්රි රහීම් රුපියල් ලක්ෂ 02 ක ශරීර ඇප මත මුදා හැරීමට පුත්තලම වැඩ බලන මහේස්ත්රාත්වරයා නියෝග කර තිබේ. .
පසුගිය මාර්තු මාසයේ කල්පිටිය – කුරිංඥංපිටිය ප්රදේශයේ රාජ්ය නොවන සංවිධානයකට බලහත්කාරයෙන් ඇතුළු වී එහි පාලකයින්ට බලපෑම් කිරීමක් සම්බන්ධයෙන් නඩුවක් විභාග වෙමින් පැවති අතර ඔහු නඩුව කැදවූ කිහිප අවස්ථාවකදීම අධිකරණයට නොපැමිණිම හේතුවෙන් වරෙන්තු නිකුත් කෙරිණි.
එම නියෝගයට අනුව අද පෙරවරුවේ අලි සබ්රි රහීම් මන්ත්රීවරයා කල්පිටිය පොලීසියට බාර වී ඇති අතර පසුව මන්ත්රීවරයාව අත්අඩංගුවට ගත් කල්පිටිය පොලීසියේ නිලධාරීන් ඔහුව පුත්තලම වැඩ බලන මහේස්ත්රාත්වරයා හමුවට ඉදිරිපත් කිරීමට කටයුතු කෙරිණි.
