සූරියවැව නුවන් ජයසේකර –
අග්රාමාත්ය දිනේෂ් ගුණවර්ධන ඇතුළු මහජන එක්සත් පෙරමුණේ නියෝජිතයින් පිරිසක් වාර්ෂිකව සිදුකරන විශේෂ ආගමික උත්සවයක් සඳහා ඊයේ (10) සවස කතරගම පුදබිමට පැමිණියහ.
කතරගම පුදබිමට පැමිණි අග්රාමාත්ය වරයා ඇතුළු පිරිස පළමුවෙන්ම කිරිවෙහෙර රජමහා විහාරය ඇතුළු පංච මහා විහාරාධිපති රුහුණු මාගම්පත්තුවේ ප්රධාන සංඝනායක පූජ්ය කොබවක ධම්මින්ද නා හිමියන් බැහැ දැක ආශිර්වාද ලබා ගත්තේය.
අනතුරුව කිරිවෙහෙර සෑ රදුන් අභියස සිට විශේෂ ප්රතිඥාවක් ලබා දි සියළු සත්වයන්ට ආශිර්වාද පතා අධිෂ්ඨාන පුජාවක් පැවැත්වූයේය. මෙම පූජාව අඛණ්ඩව වසර 30ක් තිස්සේ අග්රාමාත්ය දිනේෂ් ගුණවර්ධන ගේ නායකත්වය යටතේ පවත්වාගෙන එනු ලබන පිංකමකි.
මෙම අවස්ථාවට පොදු ජන පෙරමුනේ ජ්යෙෂ්ඨ සාමාජික, පාර්ලිමේන්තු මන්ත්රී චමල් රාජපක්ෂ ද සහභාගී විය.
පින්කම මහජන එක්සත් එක්සත් පෙරමුණ විසින් සංවිධානය කර තිබුණි. මේ අවස්ථාව සඳහා කොළඹ අබයාරාමාධිපති සහ කොළඹ විශ්වවිද්යාලයේ කුලපති මුරුත්තෙට්ටුවේ ආනන්ද හිමි, කතරගම අභිනවාරාමාධිපති රුහුණු මාගම්පත්තුවේ ප්රධාන අධිකරණ සංඝනායක කපුගම සරණ තිස්ස නා හිමි, අම්බලන්තොට ථේරපුත්තාභය රජමහා විහාරාධිපති ඉතාලියේ ප්රධාන සංඝනායක වගේගොඩ සීලානන්ද නා හිමි ඇතුළු මහා සංඝරත්නය මේ සදහා එක්ව සිටියේය.
