දිවයිනේ විවිධ ප්රදේශයන්ගෙන් රෝගීන් එක්කෙනා දෙන්නා වාර්තා වීම කොවිඩ් පොකුරු ඇතිවීමේ භයානක තත්ත්වයන් ඇති කිරීමට හේතුවක් වනු ඇතැයි සෞඛ්ය ප්රවර්ධන කාර්යාංශයේ අධ්යක්ෂ විශේෂඥ වෛද්ය රංජිත් බටුවන්තුඩාව සදහන් කරයි.
මේ තත්ත්වයන් වර්ධනය වුවහොත් රට තුළ කොවිඩ් හතරවන රැල්ලක් ඇතිවීම වැලැක්විය නොහැකි බැවින් පූර්ණ එන්නත්කරණයට ලක් වූ සියලුම දෙනා සෞඛ්ය මාර්ගෝපදේශයන් ක්රියාත්මක කළ යුතු වන අතර එන්නත්කරණයට ලක් නොවූ අය වහාම එන්නත්කරණයට යොමු වන්නැයි ද වෛද්ය බටුවන්තුඩාව ජනතාවගෙන් විශේෂ ඉල්ලීමක් කරයි.
මේ දිනවල සෞඛ්ය මාර්ගෝපදේශයන් අනුගමනය නොකර පුද්ගල ඒකරාශීවීම් සිදුවන බැවින් මෙය රටට ඉතා අයහපත් තත්ත්වක් ඇති කිරීමට හේතුවක් විය හැකි වන අතරම එය පුද්ගලයින්ගෙ සෞඛ්යයට මෙන්ම රටේ ආර්ථිකයට ඉතා අවාසනාවන්ත තත්ත්වයන් ඇති කිරීමට සමත් වනු ඇතැයිද ඔහු පෙන්වාදේ.
