තම දෙවන කොවිඩ් මර්දන එන්නත් මාත්රාව ලබා ගැනීමෙන් පසු තමන් මියයනවා හා සමාන හැඟීමක් දැනුණු බවට එලොන් මස්ක් සිය ට්විටර් ගිනුමේ ප්රකාශයක් කර තිබිණි. මෙම ප්රකාශයත් සමඟ එන්නත් ආරක්ෂණතාව පිළිබඳ කතිකාව නැවතත් කරළියට පැමිණ තිබේ.
The vaccine dosage was obviously too high and done too many times.
I had the original Wuhan virus before there was any vaccine and it was much like any other cold/flu. Bad, but not terrible.
But my second vaccine shot almost sent me to the hospital. Felt like I was dying. https://t.co/rFuUpzBkKH
— Elon Musk (@elonmusk) April 12, 2026
මෙය වඩාත් උණුසුම් වූයේ 2007 වසරේදී ෆයිසර් සමාගමෙන් ඉවත් වූ විෂ විද්යාඥයෙකු ජර්මානු පාර්ලිමේන්තුවේදී ලබා දුන් සාක්ෂියක් සමාජ මාධ්ය තුළ වේගයෙන් ප්රචාරය වීමත් සමඟය. mRNA එන්නත් සඳහා කිසිසේත්ම අනුමැතිය ලබා නොදිය යුතුව තිබූ බව පවසන ඔහු, ජර්මනිය තුළ සිදුවූ දස දහස් සංඛ්යාත මරණ ප්රමාණයක් මෙම එන්නතට සම්බන්ධ විය හැකි බවට චෝදනා කළේය.
මෙම සිදුවීම හරියටම 1999 වසරේ තිරගත වූ ‘The Insider’ සිනමාපටය සිහිපත් කරවන්නකි. එහි දැක්වෙන්නේ දුම්කොළ සමාගමක විද්යාඥයෙකු තම ආයතනය විසින් සඟවන ලද තොරතුරු ලොවට හෙළි කරන ආකාරයයි. දැන්, ඇමරිකානු Pfizer සමාගමේ යුරෝපීය මධ්යස්ථානවල විෂ විද්යා අංශයේ හිටපු ප්රධානියා ද පාර්ලිමේන්තු කමිටුවක් හමුවේ එවැනිම බරපතල ප්රකාශයක් සිදු කර ඇත.
පසුගිය සතිය අවසන් වන විට මෙම සාක්ෂි ඇතුළත් වීඩියෝව මිලියන සංඛ්යාත පිරිසක් නරඹා තිබුණි. මිලියන 200කට අධික අනුගාමිකයින් පිරිසක් සිටින එලොන් මස්ක් ද මෙය ප්රසිද්ධ කරමින්, මෙවැනි කරුණු ප්රධාන පෙළේ මාධ්යවල සිරස්තල බවට පත් නොවන්නේ මන්දැයි ප්රශ්න කර සිටියේය. මෙහි සත්ය අසත්යතාව සහ විද්යාත්මක පදනම විමසා බැලීම අත්යවශ්ය වේ.
කවුද මේ ‘ෆයිසර් අභ්යන්තරිකයා’ (The Pfizer Insider)?
මෙහි කේන්ද්රීය චරිතය වන්නේ 1946 උපත ලද ආචාර්ය හෙල්මට් ස්ටර්ස් (Dr Helmut Sterz) ය. ඔහු දශක ගණනාවක් තිස්සේ ඖෂධීය විෂ විද්යාව (Pharmaceutical Toxicology) පිළිබඳ ප්රවීණයෙකු ලෙස කටයුතු කර ඇත. ස්විට්සර්ලන්තයේ රොචේ (Roche) සමාගමේ මෙන්ම පසුව ෆයිසර් සමාගමේ ප්රංශයේ සහ එක්සත් රාජධානියේ පර්යේෂණාගාර ප්රධානියා ලෙස ඔහු සේවය කළේය. කෙසේ වෙතත්, ඔහු විශ්රාම ලැබුවේ 2007 වසරේදීය. එනම් කොවිඩ් එන්නත් නිපදවීමට වසර 14කට පමණ පෙරය.
ඔහු මෙම සාක්ෂිය ලබා දීමට කැඳවා තිබුණේ ජර්මනියේ ‘AfD’ පක්ෂය විසින් සංවිධානය කරන ලද කොරෝනා විමර්ශන කොමිසම හමුවේය. ඔහු මීට පෙර ‘Die Impf-Mafia’ (එන්නත් මාෆියාව) නමින් කෘතියක් ද ප්රකාශයට පත් කර ඇති අතර, එහිදී ඔහු තර්ක කරන්නේ මෙම එන්නත් නීති විරෝධී බවයි.
බුන්ඩෙස්ටැග් (Bundestag) හමුවේ විනාඩි පහක්
2026 මාර්තු 19 වන දින ස්ටර්ස් ප්රකාශ කර සිටියේ ෆයිසර්-බයෝඑන්ටෙක් (Pfizer-BioNTech) එන්නත අනුමත කිරීමට පෙර අත්යවශ්ය පූර්ව සායනික ආරක්ෂණ පරීක්ෂණ (preclinical safety studies) 10ක් මඟ හැර ඇති බවය. විශේෂයෙන්ම පිළිකාකාරක බව පරීක්ෂා කිරීමේ පරීක්ෂණ සහ ප්රජනක විෂ විද්යා පරීක්ෂණ (reproductive toxicity testing) නිසි ලෙස සිදු කර නොමැති බව ඔහු පැවසීය.
ඔහුගේ ප්රකාශයේ වඩාත්ම ආන්දෝලනාත්මක කොටස වූයේ ජර්මනියේ ‘Paul-Ehrlich-Institut’ ආයතනය මගින් වාර්තා කර ඇති මරණ 2,133 පිළිබඳවය. ඔහු පවසන්නේ ඇමරිකානු වාර්තාකරණ ක්රමවේදයන්ට අනුව සත්ය මරණ සංඛ්යාව මෙයට වඩා 30 ගුණයක් පමණ වැඩි විය හැකි බවය.
ඒ අනුව ඔහු අනුමාන කරන්නේ මරණ 60,000කට අධික ප්රමාණයක් එන්නත නිසා සිදුවන්නට ඇති බවය. කෙසේ වෙතත් ජර්මානු සෞඛ්ය අමාත්ය කාල් ලෝටර්බැක් මෙම ප්රකාශ අසත්ය බව පවසමින් ප්රතික්ෂේප කළේය.
දත්ත විශ්ලේෂණය: මෙය විද්යාත්මක අධ්යයනයක් ද? නැතහොත් අනුමානයක් ද?
මෙහිදී විද්යාත්මක දත්ත භාවිතය පිළිබඳව ඉතා සැලකිලිමත් විය යුතු බව විද්යාඥවරු පෙන්වා දෙති. මරණ 2,133 යන සංඛ්යාව නිල දත්තයක් වුවද, එය ‘එන්නත ලබා ගැනීමෙන් පසු සිදුවූ මරණ’ මිස ‘එන්නත නිසාම සිදුවූ මරණ’ නොවේ. එන්නතක් ලබා දීමෙන් පසු සිදුවන ඕනෑම මරණයක් වාර්තා කිරීම සම්මත ක්රමය වුවද, ඉන් අදහස් වන්නේ එන්නත මරණයට හේතු වූ බව නොවේ.
ස්ටර්ස් විසින් භාවිතා කළ ’30 ගුණයක’ ගුණකය (multiplier) ලබාගෙන ඇත්තේ හාවඩ් පිල්ග්රිම් හෙල්ත් කෙයාර් ආයතනය කළ පැරණි අධ්යයනයකිනි. නමුත් වසංගත රෝග විද්යාඥයින් පෙන්වා දෙන්නේ ඇමරිකානු සෞඛ්ය පද්ධතියට ගැලපෙන දත්ත එලෙසම ජර්මානු සෞඛ්ය පද්ධතියට ආදේශ කළ නොහැකි බවය. ඒ අනුව මරණ 60,000ක අගය ස්ටර්ස්ගේ පුද්ගලික ගණනය කිරීමක් මිස නිල විද්යාත්මක දත්තයක් නොවන බව ඔවුහු පෙන්වා දෙති.
සැබෑ ප්රශ්නය
කොවිඩ් එන්නත් නිපදවීමේ වේගය නිසා ඇතැම් පූර්ව සායනික පරීක්ෂණ කෙටි කාලයකින් සිදු වූ බවට ස්ටර්ස් කරන තර්කය විද්යාත්මකව සාකච්ඡා කළ යුතු කරුණකි. පිළිකාකාරක බව සහ ප්රජනක සෞඛ්යයට ඇති බලපෑම පිළිබඳ ප්රශ්න ලොව පුරා විද්යාඥයින් අතර විවාදයට බඳුන් වෙමින් පවතී.
ප්රජනක සෞඛ්යය – කොවිඩ් එන්නත් සහ ප්රජනක සෞඛ්යය පිළිබඳ කතිකාවතේදී වඩාත් අවධානයට ලක්ව ඇත්තේ පුරුෂ සහ කාන්තා යන දෙපාර්ශවයේම සරු බව (Fertility) කෙරෙහි ඇති විය හැකි දිගුකාලීන බලපෑමය. ආචාර්ය ස්ටර්ස් වැනි විචාරකයින් පෙන්වා දෙන්නේ mRNA එන්නත්වල අඩංගු ලිපිඩ නැනෝ අංශු (Lipid Nanoparticles) ශරීරය පුරා ගමන් කරන ආකාරය පිළිබඳව සිදු කළ පර්යේෂණවලදී, එම අංශු ඩිම්බ කෝෂ වැනි ප්රජනක පටකවල තැන්පත් විය හැකි බවට ඇතැම් සත්ව පර්යේෂණ දත්ත මගින් ඉඟි පල වූ බවය. මෙහිදී මතු වන ප්රධානතම ගැටලුව වන්නේ එමගින් සරු බව අඩු වීමක් හෝ ගර්භණී සමයේදී කලලයට හානි වීමේ අවදානමක් පවතින්නේ ද යන්නය. එන්නත්කරණයෙන් පසු කාන්තාවන්ගේ ඔසප් චක්රයේ තාවකාලික වෙනස්වීම් පිළිබඳව ලොව පුරා වාර්තා රැසක් ලැබී ඇති අතර, මෙය ප්රජනක පද්ධතිය කෙරෙහි එන්නතේ යම් බලපෑමක් පවතින බවට වන තර්කයට පදනමක් වී තිබේ.
එසේම පුරුෂ පාර්ශවය සම්බන්ධයෙන් ගත් කල, ශුක්රාණු නිපදවීමේ ක්රියාවලියට හෝ ශුක්රාණු සාන්ද්රණයට මෙහි බලපෑමක් පවතින්නේ ද යන්න පිළිබඳව ද විද්යාත්මක විවාදයන් පවතී. ලිංගික බෙලහීනතාවය (Erectile Dysfunction) පිළිබඳ සෘජු විද්යාත්මක සාක්ෂි එන්නත්කරණය සමඟ සම්බන්ධ කිරීම සම්බන්ධයෙන් තවමත් ස්ථිර නිගමනයකට පැමිණ නොමැති වුවද, හෘද රෝග විශේෂඥයින් පෙන්වා දෙන්නේ රුධිර නාලවල සිදුවන ඉදිමීම් (Vascular inflammation) ලිංගික සෞඛ්යයට වක්රව බලපෑ හැකි බවය.
කෙසේ වෙතත්, සෞඛ්ය බලධාරීන් දිගින් දිගටම අවධාරණය කරන්නේ මෙම ප්රජනක සෞඛ්ය ගැටලු සායනිකව තහවුරු නොවූ ඒවා බවත්, එන්නත මගින් සරු බවට ස්ථිර හානියක් සිදු නොවන බවත්ය. එනමුත් නියාමන ක්රියාවලියේදී පූර්ණ ප්රජනක විෂ විද්යා පරීක්ෂණ (Full Reproductive Toxicity Testing) සිදු නොවීම නිසා ජනතාව තුළ පවතින මෙම සැකය තවමත් සම්පූර්ණයෙන් පහව ගොස් නොමැත.
පිලිකා අවදානම – ආචාර්ය හෙල්මට් ස්ටර්ස් විසින් ජර්මානු පාර්ලිමේන්තුවේදී ඉදිරිපත් කළ වඩාත්ම බරපතල චෝදනාවක් වන්නේ, mRNA එන්නත් මහජනයාට ලබා දීමට පෙර ඒවායේ ඇති පිළිකාකාරක අවදානම (Carcinogenicity) පිළිබඳ කිසිදු පූර්ව පරීක්ෂණයක් සිදු නොකළ බවය. සාමාන්යයෙන් නව ඖෂධයක් හෝ එන්නතක් අනුමත කිරීමට පෙර, එම ද්රව්ය මගින් සිරුරේ සෛලවල ජානමය වෙනස්කම් ඇති කර පිළිකා සෛල වර්ධනය වීමට මග පාදන්නේද යන්න වසර කිහිපයක් පුරා පරීක්ෂාවට ලක් කෙරේ. එහෙත් වසංගත තත්ත්වයේ හදිසි අවශ්යතාවය සලකා මෙම අදියර මඟ හැරීම නිසා, දිගුකාලීනව මෙම එන්නත් මගින් පිළිකා ඇති වීමේ අවදානමක් පවතින්නේද යන්න පිළිබඳව ස්ථිර විද්යාත්මක දත්ත පද්ධතියක් නොමැති බව ඔහු පෙන්වා දෙයි.
විශේෂයෙන්ම, ඇතැම් විද්යාඥයින් පෙන්වා දෙන්නේ එන්නත මගින් සිරුරේ ස්වාභාවික ප්රතිශක්තිකරණ පද්ධතියේ පවතින පිළිකා මර්දන යාන්ත්රණයන් (Tumor suppressor mechanisms) තාවකාලිකව දුර්වල විය හැකි බවය. මෙය ඇතැම් රෝගීන් තුළ දැනටමත් පවතින පිළිකා තත්ත්වයන් වේගවත් වීමට (Turbo Cancers) හේතු විය හැකි බවට සමාජ මාධ්ය සහ ඇතැම් වෛද්ය වාර්තා මගින් මත පළ වී ඇතත්, ප්රධාන පෙළේ පිළිකා පර්යේෂණ ආයතන පවසන්නේ ඒ සඳහා මෙතෙක් සෘජු සායනික සාක්ෂි ලැබී නොමැති බවය.
එන්නතෙහි අඩංගු ජානමය කොටස් සහ ලිපිඩ නැනෝ අංශු සෛල තුළ දිගුකාලීනව රැඳී තිබීමෙන් ඇති විය හැකි ජාන විෂ විද්යාත්මක (Genotoxicity) බලපෑම් පිළිබඳව ස්වාධීන පර්යේෂණ සිදුකිරීමේ අවශ්යතාවය දැන් විද්යා ලෝකය තුළ දැඩි ලෙස සාකච්ඡා වෙමින් පවතී.
හෘදයාබාධ සම්බන්ධ ලංකාවේ සිදුවූ නිරීක්ෂණ – ශ්රී ලංකාවේ ප්රමුඛ පෙළේ හෘද රෝග විශේෂඥයෙකු වන විශේෂඥ වෛද්ය ගෝඨාභය රණසිංහ විසින් මෑතකදී කළ ප්රකාශයන් සහ නිරීක්ෂණ මෙරට තුළ දැඩි අවධානයට ලක් විය. ඔහු පෙන්වා දෙන්නේ කොවිඩ් වසංගතයෙන් සහ එන්නත්කරණ ක්රියාවලියෙන් පසුව ශ්රී ලංකාව තුළ හෘදයාබාධ සහ හදිසි මරණවල කැපී පෙනෙන වර්ධනයක් දක්නට ලැබෙන බවය.
විශේෂයෙන්ම තරුණ සහ මධ්යම වයසේ පසුවන පුද්ගලයින් අතර හෘද වස්තුවට ලේ සපයන ධමනි අවහිර වීම් (Clots) සහ හෘද පේශි ඉදිමීම් පිළිබඳ වාර්තා ඉහළ ගොස් ඇති බව ඔහුගේ නිරීක්ෂණයයි. මෙය හුදෙක් අහඹු සිදුවීමක් නොව, එන්නතේ අතුරු ආබාධ හෝ කොවිඩ් වෛරසය ශරීරගත වීමෙන් පසු ඇති වූ දිගුකාලීන බලපෑම් (Long COVID) පිළිබඳ පුළුල් පර්යේෂණයකට භාජනය විය යුතු කරුණක් බව ඔහු අවධාරණය කරයි.
ගෝලීය විද්යාත්මක සාක්ෂි – ලෝකයේ අනෙකුත් ප්රමුඛ පෙළේ සෞඛ්ය ආයතන ද mRNA එන්නත් සහ හෘද රෝග අතර පවතින සබඳතාවය පිළිබඳව විවිධ දත්ත ඉදිරිපත් කර ඇත. ඇමරිකාවේ රෝග පාලනය සහ වැළැක්වීමේ මධ්යස්ථානය (CDC) සහ ලෝක සෞඛ්ය සංවිධානය (WHO) විසින් මයෝකාඩයිටිස් (Myocarditis) සහ පෙරිකාඩයිටිස් (Pericarditis) වැනි හෘද පේශි ආශ්රිත ඉදිමීම්, විශේෂයෙන්ම තරුණ පිරිමින් අතර එන්නත්කරණයෙන් පසු වාර්තා වන බව පිළිගෙන තිබේ.
යුරෝපීය ඖෂධ ඒජන්සිය (EMA) ද මෙම තත්ත්වයන් දුර්ලභ නමුත් බරපතල අතුරු ආබාධ ලෙස ලේඛනගත කර ඇත. බ්රිතාන්යයේ ‘British Medical Journal’ (BMJ) වැනි වෛද්ය සඟරාවල පළ වූ අධ්යයනයන් මගින් පෙන්වා දෙන්නේ එන්නත මගින් ශරීරයට ඇතුළු කරන ‘Spike Protein’ මගින් රුධිර නාලවල අභ්යන්තර ආස්තරණයට (Endothelium) හානි සිදුවීමේ අවදානමක් පවතින බවයි.
නියාමන ආයතන සහ විද්යාත්මක විවාදය – මෙම තත්ත්වය සම්බන්ධයෙන් අදහස් දක්වන බ්රිතාන්යයේ ප්රකට හෘද රෝග විශේෂඥයෙකු වන ආචාර්ය අසීම් මල්හෝත්රා (Dr. Aseem Malhotra) වැනි විද්වතුන් පවසන්නේ, මෙම එන්නත්වල ආරක්ෂණතාව පිළිබඳ දත්ත නැවත සමාලෝචනය කළ යුතු බවය.
එන්නත්කරණයෙන් පසු රුධිරය කැටි ගැසීමේ ප්රවණතාව (Thrombosis) ඉහළ යාම සහ හෘද ස්පන්දන වේගය අසාමාන්ය වීම පිළිබඳව සායනික සාක්ෂි ගොනුවෙමින් පවතී. කෙසේ වෙතත්, වෛද්ය විද්යාත්මක ප්රජාවේ බහුතරයකගේ මතය වන්නේ කොවිඩ් වෛරසය වැළඳීමෙන් සිදුවන හෘදයාබාධ අවදානම, එන්නත මගින් ඇතිවන අවදානමට වඩා වැඩි බවයි.
එනමුත් ස්ටර්ස් වැනි විද්යාඥයින් මතු කරන ‘පූර්ව සායනික පරීක්ෂණ මඟ හැරීම’ පිළිබඳ චෝදනාව මෙවැනි රෝගී තත්ත්වයන් කල්තියා හඳුනා ගැනීමට තිබූ අවස්ථාව අහිමි කළ බවට වන විවාදය තවමත් අවසන් වී නොමැත. ස්ටර්ස්ගේ පාර්ලිමේන්තු සාක්ෂිය වාර්තාගත වී ඇති නමුත්, එහි අඩංගු විද්යාත්මක කරුණු තවමත් පවතින්නේ විවාදාත්මක මට්ටමකය. එය නිශ්චිත අවසානයක් තෙක් රැගෙන යෑමේ මානව වගකීමක් දියුණු ලෝකයකට පවතින බවට වන යථාව පමණක් මේවනවිට මතුවෙමින් ඇත.
