ලලිත් චාමින්ද –
ජාතික ගොඩනැගිලි පර්යේෂණ සංවිධානයේ ජ්යෙෂ්ඨ මට්ටමේ තනතුරු රැසක පුරප්පාඩු පැවතීම එම ආයතනයේ කාර්යක්ෂමතාවය කෙරෙහි දැඩි ලෙස බලපා ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක් මගින් අනාවරණය වී ඇත.
ආයතනයේ ජ්යෙෂ්ඨ මට්ටමේ තනතුරු 05ක් සඳහා පවතින පුරප්පාඩු සංඛ්යාව 49කි. 2022 වර්ෂයේ සිට අධ්යක්ෂක (පාලන) තනතුර පුරප්පාඩුව පැවතුණි. මේ අතර ජ්යෙෂ්ඨ මට්ටමේ තනතුරු 04ක් වන ජ්යෙෂ්ඨ විද්යාඥ, විද්යාඥ, කළමණාකරු (තාක්ෂණික රසායනාගාර) සහ අධ්යක්ෂක මුදල් යන තනතුරුවල පුරප්පාඩු සංඛ්යාව 47කි. ජ්යෙෂ්ඨ විද්යාඥ සහ විද්යඥ යන තනතුරුවල පුරප්පාඩු සංඛ්යාව 39කි.
ජාතික ගොඩනැගිලි පර්යේෂණ සංවිධානයේ කාර්යක්ෂමතාව කෙරෙහි සෘජුවම බලපාන පුරප්පාඩු පිරවීමට කඩිනමින් කටයුතු කළයුතු බවට විගණනය මගින් නිර්දේශකොට ඇත.
අනුමැතිය ලැබි ඇති තනතුරුවලින් අධ්යක්ෂ (මානව ජනාවාස, සැලසුම් හා පුහුණු) තනතුරද, ජ්යෙෂ්ඨ විද්යාඥ තනතුරු 07ක්ද බඳවා ගැනීමට පියවරගෙන ඇති බැව් ගොඩනැගිලි පර්යේෂණ සංවිධානයේ කළමණාකාරිත්වය විසින් විගණනයට සඳහන් කොට ඇත.
විද්යාඥ තනතුරු 26ක් බඳවා ගැනිම සදහා අගමැති කාර්යාලයේ සමාලෝචන කමිටුවේ අනුමැතිය සඳහා යොමුකොට ඇති බවත් ඉතිරි පුරප්පාඩු ආයතනයේ අවශ්යතාවය අනුව බදවා ගැනිමට කටයුතු කරණ බවද ගොඩනැගිලි පර්යේෂණ සංවිධානයේ කළමණාකාරිත්වය විසින් විගණනයට සඳහන් කොට ඇත.
