ශ්රී ලංකා විදුලිබල මණ්ඩලය පෞද්ගලිකරණය කිරීමට එරෙහි වෙමින් එහි වර්තමාන තත්ත්වය ඇතුළත් ලං.වි.ම අවිධිමත් ප්රතිව්යුහගතකරණ ක්රියාවලිය සම්බන්ධයෙන් වන සංදේශය විදුලි බල මණ්ඩල වෘත්තිය සමිති නායකයින් විසින් මල්වතු අස්ගිරි මහා නායක ස්වාමීන් වහන්සේලා වෙත භාරදීම ඊයේ ( 10) එම විහාරස්ථානයන්හිදී සිදු කෙරිණි.
සියම් මහ නිකායේ මල්වතු පාර්ශවයේ මහානායක තිබ්බටුවාවේ ශ්රී සිද්ධාර්ථ සුමංගලාභිධාන නායක ස්වාමීන් වහන්සේ සහ සියම් මහ නිකායේ අස්ගිරි පාර්ශවයේ මහා නායක වරකාගොඩ ඤාණරථනාභිධාන ස්වාමීන් වහන්සේ අදාළ සංදේශය බාරගත්හ.
විදුලි බල මණ්ඩලය පුද්ගලීකරණය කිරීමෙන් අනතුරුව පාරිභෝගිකයන්ට සිදුවන පිඩාකාරී තත්ත්වය සම්බන්ධයෙන් සංදේශය මගින් කරුණු මතුකොට තිබේ.
මෙම ලිපිය මගින් අවධාරණය කර ඇත්තේ එය ජනාධිපතිවරයාට හෝ රජයට විරුද්ධව අන්යාර්ථයෙන් සිදු කරන ක්රියාවලියක් නොවන බව ය. මේ දියත් කර ඇත්තෙ ඉතාම නොසැලකිලිමත් ලෙස නව සංශෝධිත පනත හරහා නීතියේ හිදැස් අතරින් රිංගා යමින්, අවිධිමත් ලෙස කඩිමුඩියේ, වගකීම් විරහිතව සිදුකරන ප්රතිසංස්කරණවලට එරෙහි සටනක් පමණක් ලිපය මගින් වෘත්තීය සමිති මහා නායක හිමිවරුන් වෙත දන්වා ඇත. තමන් දිගින් දිගටම රටට, ජනතාවට සහ විදුලිබල ක්ෂේත්රයේ සියළුම කොටස්කරුවන්හට යහපත්වන ප්රතිසංස්කරණ වෙනුවෙන් පෙනී සිටින බව ද ලිපියේ දක්වා ඇත.
එමෙන්ම ඉතාමත් කඩිනමින් විනිවිද පෙනෙන , සාධාරණ සහ උපදේශන යාන්ත්රණයක් ස්ථාපිත කර, මෙම ඉතා වැදගත් ප්රතිසංස්කරණ ක්රියාවලිය නිවැරදි පාර්ශවයට ගැනීමට ජනාධිපතිතුමා ගේ සහ බලශක්ති අමාත්යවරයාගේ කඩිනම් මැදිහත්වීම ගෞරවයෙන් අපෙක්ෂා කරන බව ද එම ලිපියේ සඳහන්ය.
ඉකුත් ඔක්තෝබර් හත්වැනි දා සිට දැඩි කිරීමට ගත් වෘත්තිය ක්රියාමාර්ග පිළිබඳව නොසලකමින් බලධාරීන් මේ අවිධිමත් ක්රියාවලිය නිවැරදි කිරීමට උත්සහ නොගන්නේ නම් ඉදිරියේදී වෘත්තීය සමිති ක්රියාමාර්ග තවදුරටත් දැඩි කිරීමට පසුබට නොවන බවද එහි සඳහන්වේ.
