වුල්වර්හැම්ප්ටන් විශ්ව විද්යාලය විසින් හිටපු ජනාධිපතිවරයාට යවන ලද නිල ආරාධනා පත්රය සත්ය බවට කරන ලද ප්රකාශය තහවුරු කිරීම සඳහා හිටපු ජනාධිපති ලේකම් සමන් ඒකනායක හෙට අපරාධ පරික්ෂණ දෙපාර්තමේන්තුව වෙත අමතර ලියකියවිලි ප්රමාණයක් ඉදිරිපත් කිරීමට සූදානම්වන බව වාර්තා වේ.
හිටපු ජනාධිපතිවරයාට සහ මෛත්රී වික්රමසිංහට සහ එක්සත් රාජධානියේ හිටපු ශ්රී ලංකා මහ කොමසාරිස්වරයාට වෙන වෙනම යැවූ ආරාධන දෙකක් සොයාගෙන ඇති බව සන්ඩේ ටයිම්ස් වාර්තාවේ දැක්වේ.
හිටපු ජනාධිපති වික්රමසිංහගේ නීතිඥ කණ්ඩායම විසින් අපරාධ පරීක්ෂණ දෙපාර්තමේන්තුව වෙත ඉදිරිපත් කරන ලද ආරාධනයේ සත්යතාව තහවුරු කරමින් කරන ලද විමසුමකට වුල්වර්හැම්ප්ටන් විශ්ව විද්යාලය ප්රතිචාර දක්වා ඇති බවත් මෙම ලේඛන නිල වශයෙන් සාක්ෂි ලෙස ඉදිරිපත් කිරීමට අපේක්ෂා කරන බවත් වාර්තා වේ.
ඊට අමතරව රනිල් වික්රමසිංහගේ නීතිඥයින් උත්සවය විස්තර කරන සහ හිටපු ජනාධිපතිවරයාගේ සහ මෛත්රි වික්රමසිංහගේ පැමිණීම වාර්තා කරන නිල රැස්වීම් වාර්තා ලබාගෙන ඇති බව වාර්තා වේ.
නගරාධිපති ආචාර්ය මයිකල් හාර්ඩක්රේ ශ්රී ලංකා දූත පිරිසගේ පැමිණීම පිළිගෙන ඇති බවත්, එම අවස්ථාවට ඔහුට ආරාධනා කිරීම සම්බන්ධයෙන් වුල්වර්හැම්ප්ටන් විශ්ව විද්යාලයට කෘතඥතාව පළ කළ බවත් සටහන්වල දැක්වේ.
