බන්ධනාගාර දෙපාර්තමේන්තුවට අයත් මාංචු කුට්ටමක් සමග කැලණිය පොලසියට අනුයුක්තව සේවය කරන 43 හැවිරිදි පොලිස් සැරයන්වරයෙකු මහනුවර පොලීසියේ අපරාධ විමර්ශන අංශය මගින් සැකපිට අත්අඩංගුවට ගෙන තිබේ.
පොල්ගහවෙල ප්රදේශයේ පදිංචිකරුවෙක් වු මෙම සැරයන්වරයා මහනුවර දළදා වීදියේ හෝටලකයින් තේ පානය කර ගමන් බෑගය එහි අමතක කර දමා ගොස් තිබිය දී එය පරීක්ෂා කළ හෝටල් කාර්ය මණ්ඩලය සිද්ධිය සම්බන්ධව මහනුවර පොලිසියට දැනුම් දී ඇත.
පොලිස් කණ්ඩායමක් එහි ගොස් බෑගය පරීක්ෂා කිරීමේ දී ලියකියවිලි තොගයක් සමඟ මාංචු කුට්ටමක් හමුවී තිබේ.
බෑගයේ තිබූ ලේඛන පරික්ෂා කිරීමේ දී එහි හිමිකරු කැලණිය පොලීසියට අනුයුක්තව රාජකාරි කරන පොලිස් සැරයන්වරයෙකු බව අනාවරණය කරගැනීමෙන් පසුව ඔහුව අත් අඩංගුවට ගෙන තිබේ. ප්රශ්න කිරීමේ දී මාංචු කුට්ටම හමුවූ ආකාරය සම්බන්ධයෙන් ඔහු කිසිවක් ප්රකාශ නොකරන බව පොලීසිය පවසයි.
මහනුවර පොලිස් මූලස්ථානාධිපති ප්රධාන පොලිස් පරීක්ෂක රසික සම්පත්ගේ උපදෙස් මත අපරාධ අංශයේ පොලිස් පරීක්ෂක නවරත්න ඇතුළු කණ්ඩායමක් පරීක්ෂණ පවත්වයි
