දළදා මාලිගාවේ පුද පූජා විධි නියම ආකාරයට සිදුවන බවත් අවශ්ය ඕනෑම අයෙකුට කිසිම බාධාවකින් තොරව එම පුද පූජා විධි සඳහා සහභාගී විය හැකි බවත් දළදා මාළිගාව මාර්ග තහවුරු කරයි.
දළදා වහන්සේ සඳහා දළදා මාලිගාව විසින් පවත්වාගෙන යන පුද සත්කාර නොබිඳී සුපුරුදු පරිදි පැවැත්වේ.
ඒ අනුව උදේ 5ට, දහවල් 9.30ට සහ සවස 6ට පැවැත්වෙන තේවාව තුන පැවැත්වෙන අතර දළදා තේවාව පූජාව භාර ගත්තන් සඳහා එපරිද්දෙන්ම පූජා කටයුතු සිදුකරන අතර තේවාවට සහභාගී වීමට පැමිණෙන ඕනෑම බැතිමතෙකුට පෙර පරිදිම ඊට සහභාගී වීමේ අවස්ථාව ද ඇත.
දන්තධාතූන් වහන්සේ මහජන ප්රදර්ශනය සඳහා ගන්ධ කුටියෙන් පිතට වඩමනු ලබන්නේ මහජන ප්රදර්ශනය පැවැත්වෙන දහවල් 12ත්, සවස 5.30ත් අතර පමණකි.
ප්රදර්ශන කාලය නිම වූ පසු විශේෂ පුද පූජා විධි අනුගමනය කරමින් මහා නායක හිමිවරුන් විසින් දළදා වහන්සේ ගන්ධ කුටිය වෙත වඩමවනු ලබති. සාමාන්ය තේවා කටයුතු පැවැත්වෙන වෙලාවේ දළදා වහන්සේ වැඩ ඉන්නේ ගන්ධ කුටිය තුළය.
