එකතු කළ අගය මත බදු (VAT) සංශෝධන පනත් කෙටුම්පතට අනුව අප්රේල් මස 11 වන දින සිට ක්රියාත්මක වන පරිදි දේශීයව නිපදවන දියර කිරි සහ යෝගට් වැට් බදුවලින් නිදහස් කර ඇති බව දේශීය ආදායම් දෙපාර්තමේන්තුව නිවේදනයක් නිකුත් කරමින් පවසයි.
විදුලි ජනනය සඳහා ලංකා ඛනිජ තෙල් සංස්ථාව විසින් ලංකා විදුලිබල මණ්ඩලයට සපයන නැප්තා සඳහා අය කළ වැට් බද්ද ද ඉවත් කර ඇති බව ද දේශීය ආදායම් දෙපාර්තමේන්තුව කියයි.
එකතු කළ අගය මත බදු සංශෝධන පනත් කෙටුම්පත පසුගිය අප්රේල් 09 වන දින පාර්ලිමේන්තුවේ දී සම්මත වූ අතර ඒ සඳහා අප්රේල් 11 වන දින කථානායක වෛද්ය ජගත් වික්රමරත්න සිය සහතිකය සටහන් කරනු ලැබීය. ඒ අනුව අදාළ පනත එදින සිට බලාත්මකය.
එකතු කළ අගය මත බදු සංශෝධන නව පනතට අනුව අනේවාසික පුද්ගලයින් විසින් සපයනු ලබන ඩිජිටල් සේවාවන් සඳහා වැට් බදු පැනවීමට තීරණය කර ඇති බවත් ඒ අනුව අනේවාසික් පුද්ගලයින් විද්යුත් වේදිකා හරහා ශ්රී ලංකාවේ පුද්ගලයින්ට සපයනු ලබන සේවාවන්වලට වැට් බදු අයකිරීම ඔක්තොම්බර් 01 දා සිට ක්රියාත්මක බවත් දේශීය ආදායම් දෙපාර්තමේන්තුව කියයි.
ඊට අමතරව වාණිජ අරමුණු සඳහා භාණ්ඩ ආනයනය කරන හෝ අපනයනය කරන සියලුම පුද්ගලයින් එකතු කළ අගය මත බදු සංශෝධන පනතේ ලියාපදිංචි වීම ද අනිවාර්යය කර තිබේ.
