මහවැලි ගංගා ද්රොණිය ආශ්රිත පහත් බිම් සදහාත් මොණරාගල හැඩ ඔය ද්රෝණිය ආශ්රිත පහත් බිම් සඳහාත් වාරිමාර්ග දෙපාර්තමේන්තුව දෙවන මට්ටමේ ගංවතුර අනතුරු ඇඟවීමේ නිවේදනයක් අද නිකුත් කර තිබේ.
මහවැලි ගංගා ද්රෝණියේ දිඹුලාග, එච්චලම්පට්ටෙයි, හිඟුරක්ගොඩ, කන්තලේ, කින්නියා, කොරලෙයිපත්තු උතුර, ලංකාපුර, මැදිරිගිරිය, මුත්තූර්, සේරුවිල, තමන්කඩුව, තම්පලක්කමම් හා වැලිකන්ද ප්රාදේශීය ලේකම් කොට්ඨාසවලට අයත් මහ වැලි ගඟ ආශ්රිත පහත් බිම් සඳහා මෙතැන් සිට ඉදිරි පැය 48 දක්වා අදාල අනතුරු ඇඟවීමේ නිවේදනය නිකුත් කර තිබේ.
හැඩ ඔය ද්රෝණියේ මොණරාගල දිස්ත්රික්කයේ සියඹලාන්ඩුව සහ අම්පාර දිස්ත්රික්කයේ ලාහුගල, ප්රදේශීය කොට්ඨාසවලට අයත් හැඩ ඔය ආශ්රිත පහත් බිම් ප්රදේශ සඳහා ඉදිරි පැය 48ක කාලයක් වෙනුවෙන් මෙම ගංවතුර තත්ත්වයක් පිළිබඳ දෙවන මට්ටමේ අනතුරු ඇඟවීමේ නිවේදනයක් ද වාරිමාර්ග දෙපාර්තමේන්තුව විසින් නිකුත් කර ඇත.
මෙම ප්රදේශවල පදිංචි ජනතාවගෙන් ඒ සම්බන්ධව දැඩි අවධානයෙන් පසුවන ලෙසත් ඇතිවිය හැකි ගංවතුර තත්ත්වයෙන් ආරක්ෂා වීමට කටයුතු කරන ලෙසත් වාරිමාර්ග දෙපාර්තමේන්තුව ඉල්ලා සිටී.
