ජාතික ආරක්ෂාව සම්බන්ධයෙන් විශාල ගැටලුවක් පැන නැගී ඇති බව හිටපු පාර්ලිමේන්තු මන්ත්රී ඩලස් අලහප්පෙරුම අද ප්රවෘත්ති සාකච්ඡාවක් කැඳවා ප්රකාශ කළේය.
රටේ ආර්ථිකය කේන්ද්රතග වූ සංචාරක ව්යාපාරයේ මර්මස්ථානවලට එල්ල කරන ප්රහාරයක් ගැන අමරිකානු තානාපති කාර්යාලය නිවේදනයක් නිකුත් කරන තුරු ඒ සම්බන්ධව රටේ ජනාතාව දැනුම්වත් කිරීමට ආරක්ෂක අංශ කටයුතු නොකළ බවට ඩලස් අලහප්පෙරුම එම මාධ්ය සාකච්ඡාවේ දී රජයට චෝදනා කළේය.
මෙම තොරතුරු ඇමරිකානු තානාපති කාර්යාලයට ලැබෙන්නට පෙර රජයට ලැබුණු බවට එම තොරතුරු රජය තුළ සාකච්ඡා වුන බවටත් වැඩ බලන පොලිස්පතිවරයා ප්රකාශ කළ ද එම ආරක්ෂාව පිළිබඳ අනතුර සමාජගත නොකිරීම සම්බන්ධව හිටපු මන්ත්රීවරයා රජයට චෝදනා කළේය.
පාස්කු ප්රහාරයේදී සිදුවන්නේත් තොරතුරු දැනගෙන අනතුර සමාජගත නොකිරීම බව ද මේ සිදුව ඇත්තේ පාස්කු ප්රහාරය සිදුවන ආකාරයටම සිදුවූ සිද්ධියක් බව ද ඔහු පැවසුවේය. ඒ තත්ත්වය තුළ රටට සාධාරණ බියක් ඇති බවද ඩලස් අවධාරණය කළේය.
ජාතික ආරක්ෂාව සම්බන්දව වගකිවයුත්තන් සංචාරක ප්රදේශ ඉලක්ක කරගෙන දියත්වන කුමන්ත්රණයක් තිබේද, ඒ පසුපස සිටින කවරෙක් ද යන්න සහ ඇති වී තිබෙන අනතුර සම්බන්ධව
ආණ්ඩුවෙන් වගකිව යුතු ප්රකාශයක් නිකුත් වන්නේ නැති බව ද මන්ත්රීවරයා කීවේය. .
