වැඩබලන පොලිස්පතිවරයෙකු පත් කරන ලෙස ජනාධිපතිවරයාට නියෝග කරන ලෙස ඉල්ලා ගොනු කර තිබූ මූලික අයිතිවාසිකම් පෙත්සමක් ශ්රී ලංකා ශ්රේෂ්ඨාධිකරණය අද ප්රතික්ෂේප කළේය.
ශ්රේෂ්ඨාධිකරණය පෙත්සම්කරුට තවදුරටත් නියෝග කළේ රු. 50,000 නඩු ගාස්තුවක් ගෙවන ලෙසය.
පෙත්සම කැඳවු අවස්ථාවේ දී එහි අසත්ය තොරතුරු අඩංගු බවත් ආණ්ඩුක්රම ව්යවස්ථාවේ 92 වගන්තිය උල්ලංඝණය කර ඇති බවත් නීතිපතිවරයාගේ නියෝජිතයා අධිකරණයට දන්වා සිටියේය.
වැඩබලන පොලිස්පතිවරයෙකු පත් කිරීමට අපොහොසත් වීමෙන් ජනාධිපති රනිල් වික්රමසිංහ පුරවැසියන්ගේ මූලික අයිතිවාසිකම් කඩ කර ඇති බවට ප්රකාශ කරන මෙන් ඉල්ලා ශ්රේෂ්ඨාධිකරණය හමුවේ මෙම මූලික අයිතිවාසිකම් පෙත්සම ගොනු කර තිබිණි.
වෘත්තියෙන් නීතිඥයෙකු වන පෙත්සම්කාර ආර්.එස්.පී. රණසූරිය මෙම පෙත්සම ගොනු කර තිබුණේ ජනාධිපති රනිල් වික්රමසිංහ සහ නීතිපතිවරයා වගඋත්තරකරුවන් ලෙස නම් කරමිනි.
ශ්රේෂ්ඨාධිකරණය ලබාදුන් අතුරු නියෝගයට අනුව වැඩබලන පොලිස්පතිවරයා ලෙස සුදුසු ජ්යෙෂ්ඨ නියෝජ්ය පොලිස්පතිවරයෙකු පත් කරන ලෙස ජනාධිපතිවරයාට නියෝග කරන ලෙස පෙත්සම්කරු වැඩිදුරටත් පෙත්සමෙන් ඉල්ලා සිටියේය.
පෙත්සම්කරු කියා සිටියේ තමා ඉදිරි ජනාධිපතිවරණයට අපේක්ෂකයෙකු වන බැවින් වැඩබලන පොලිස්පතිවරයෙකු පත් කිරීමට තමාට බලයක් නොමැති බව කියන ජනාධිපතිවරයා ආණ්ඩුක්රම ව්යවස්ථාව යටතේ තමාට පැවරී ඇති බලතල පිළිබඳ තමාගේම ස්ථාවරයට පටහැනිව අගෝස්තු 12 වන දින අලි සබ්රි අධිකරණ අමාත්යවරයා ලෙස පත් කළ බවයි.
මහජනතාවගේ සහ රටේ ආරක්ෂාව අනතුරේ හෙළමින් ජනාධිපතිවරයා වැඩබලන පොලිස්පතිවරයෙකු පත් නොකිරීමෙන් ආණ්ඩුක්රම ව්යවස්ථාවේ 41 (c) (a) කොටස 2 (c) වගන්තිය උල්ලංඝනය කර ඇති බව පෙත්සම්කරුගේ අදහස විය.
