දිනසේන රතුගමගේ –
ඉන්දියාවේ ධීවර කොල්ලකරුවන් සිදුකරන ආක්රමණය වළක්වා ගැනිමේ අනාගත වැඩ පිළවෙළ සාර්ථක කරගැනීම සඳහා ජනාධිපති රනිල් වික්රමසිංහට මෙවර ජනධිපතිවරණයේදී පූර්ණ සහය ලබා දීමට යාපනයේ ධීවර සමුපකාර සමිති සම්මේලනය තීරණය කළ බව එහි සභාපති ශාන්ත ප්රකාශ් ඊයේ (27) යාපනයේදී විශේෂ මාධ්ය හමුවක් කැඳවා ප්රකාශ කළේය.
වත්මන් ජනාධිපතිවරයා විසින් තවමත් උතුරේ ධීවරයින්ට නොයෙක් සහන සලසා දෙන බැවින් යාපනයේම සමස්ත ධීවරයින්ගේ සහයෝගය රනිල් වික්රමසිංහ වෙත ලබා දෙන බව ඔහු කීවේය.
”පසුගිය කාලයේදී උතුරේ ධීවරයින්ට ඉන්ධන සපයා ගැනීමට නොහැකි වූ අවස්ථාවේදී පවුල් 65000 කට පමණ ධීවර රැකියාව අතහැර කුළී රැකියා තෝරා ගන්නට සිදු වුණා. නමුත් රනිල් වික්රමසිංහ මහතා ජනාධිපති තනතුර බාර ගෙන බලයට පත් වූ වහාම ධීවරයින්ට අවශ්ය ඉන්ධන පමණක් නොව බොහෝ සහනාධාර ලබා දුන්නා. ධීවර ඇමති ඩග්ලස් දේවානන්දා ඒ වෙනුවෙන් විශාල මැදිහත්වීමක් කළා.
විශේෂයෙන්ම භූමිතෙල් මිල ඉතා විශාල අගයකින් පහත දැමීමත් එම මිලටත් වඩා අඩු සහනාධාර ක්රමයකට භුමිතෙල් ලබා ගැනීමටත් රනිල් වික්රමසිංහ ජනාධිපතිවරය කටයුතු සැලැස්සුවා.
අපි රනිල් වික්රමසිංහ මහතාව යළිත් මේ රටේ ජනාධිපති ධූරයට පත් කිරීමෙන් සමස්ත උතුරේම ධීවර ප්රජාව බලාපොරොත්තු වන්නේ එකම එක ඉල්ලීමක් පමණයි. ඉන්දියාවේ ධීවරයින්ගෙන් උතුරේ ධීවරයින්ට හානි පාඩු වගේම විශාල හිරිහැරයක් සිදුවෙනවා. බලහත්කාරයෙන් ඉන්දියාවේ සිට උතුරු මුහුදට ටෝලර් යාත්රා වලින් පැමිණෙන ඉන්දීය ධීවරයින් උතුරේ අපට අයත් මුහුදු සම්පත් කොල්ලකෑම නිසා මසකට රුපියල් කෝටි ගණනක පාඩුවක් සිදු වෙනවා. මේ නිසා අපි රනිල් වික්රමසිංහ මහතාගෙන් බලාපොරොත්තු වන්නේ එකම එක දෙයක් පමණයි.
මෙවර ජනාධිපතිවරණයට ඉදිරිපත් වී සිටින ප්රධාන අපේක්ෂකයින් අතරින් හොදම රාජ්ය තාන්ත්රික භාවයක් හා ඉතාම සමීප ගණුදෙණුවක් ඉන්දියාව සමග ඇත්තේ රනිල් වික්රමසිංහ මහතාට පමණක් නිසා ඔහුට මේ ක්රියාව ඉතා පහසුවෙන් කළ හැකි බව අපි තරයේම විශ්වාස කරනවා.”පසභාපතිවරයා මෙහිදී පැවසීය.
මෙම මාධ්ය හමුවේදී එක්සත් ධීවර සංගමයේ තවත් නිලධාරීන් කීප දෙනෙකුම කතා කළේය.
