2024 ජනාධිපතිවරණය වෙනුවෙන් ආශිර්වාද ලබා ගැනීම සඳහා විපක්ෂ නායක සජිත් ප්රේමදාස අද (18) කොළඹ අගරදගුරු නිවසට පැමිණියේය.
එහි දී කොළඹ අගරදගුරු තැන්පත් අති උතුම් මැල්කම් කාදිනල් රංජිත් හිමිපාණන් මෙන් ම කොළඹ අගරදගුරු පදවියේ සහයක රදගුරු මැක්ස්වෙල් සිල්වා හිමිපාණන්, ජේ. ඩී ඇන්තනි හිමිපාණන්, ඇන්ටන් රන්ජිත් හිමිපාණන් සහ ගරු සිරිල් ගාමිණි පියතුමා සහ ගරු ඉන්දික ජෝයි පියතුමන්ලා හමු වී ආශිර්වාද ලබා ගැනීමට විපක්ෂ නායක සජිත් ප්රේමදාස කටයුතු කළේය.
එහිදී විපක්ෂ නායකවරයා පාස්කු ප්රහාරය ගැන ජනතාව අපේක්ෂා කරන සත්ය අනාවරණය කිරීමට තමා ඇතුළු සමගි ජන බලවේගයේ සහ සමගි ජන සන්ධානයේ සියලුදෙනා සූදානම් බව කාදිනල් හිමිපාණන්ට දන්වා පාස්කු ප්රහාරයේ සත්ය අනාවරණය කිරීම සම්බන්ධයෙන් තමාට පැහැදිලි වැඩපිළිවෙළක් ඇති බවත්, එය පාර්ලිමේන්තුවේදී පවා සභාගත කර ඇති බවත් පෙන්වා දුන්නේය.
මෙරට කතෝලික ප්රජාව ප්රමුඛ සමස්ත ජනතාවගේ අපේක්ෂාව වන්නේ පාස්කු ප්රහාරය සම්බන්ධයෙන් වූ පරීක්ෂණ විනිවිදභාවයෙන් සිදු වූවාද?, එහි සත්ය හෙළිකර ගත්තාද යන්න බවත් නිසා ඒ සම්බන්ධයෙන් විනිවිදභාවයෙන් පරීක්ෂණ සිදුකර කාදිනල් හිමි ප්රමුඛ කතෝලික සභාව දැනුවත් කරන බවත් විපක්ෂ නායක සජිත් ප්රේමදාස දන්වා ඇත.
එබැවින් පාස්කු ප්රහාරයේ සුලමුළ සහ සත්ය සොයන වැඩසටහන කිසිදු භේදයකින් තොරව ක්රියාත්මක කරන බවත්, එම සත්ය කෙසේ හෝ සොයා බලා ඊට සම්බන්ධ වූ සියලුදෙනාට උපරිම දඬුවම් ලබාදෙන බවටද විපක්ෂ නායකවරයා මෙහි දී කාදිනල් හිමි ඇතුළු රදගුරුතුමන්ලාට පොරොන්දු වී ඇත.
