සිංහලයේ මහා කාලාගාරය ලෙස සැලකෙන්නේ පොලොන්නරුව තිවංක පිළිම ගෙයය. සීගිරි සිතුවම් හැරුණු විට සිංහලයේ සම්භාව්ය චිත්ර කලා සම්ප්රදාය රූපණය කළ ඓතිහාසික කලාගාරය තිවංක පිළිම ගෙයය.
ක්රිස්තු වර්ෂ 1153 – 1186 රජකරමින් මධ්යකාලීන රාජධානියවූ අසිරිමත් පොලොන්නරුව නිර්මාණය කල මහා පැරකුම්බාවන් විසින් කරවූ නිර්මාණයක්වන තිවංක පිළිමගෙය පොලොන්නරුව ජේතවනාරාමයේ ප්රතිමා ගෘහය ලෙස පැවතිනි. ප්රතිමා ගෘහයෙහි වැඩ සිටි දැවැන්ත ප්රතිමා වහන්සේ තුන් තැනකින් වක්රවන ආකාරයට නිර්මාණය කළ හිටි පිළිමක් වූයෙන් මෙම ප්රතිමා ගෘහය තිවංක පිළිමගෙය විය.
මෙම ප්රතිමා ගෘහය කලාගාරයක් වූයේ එය මධ්යතන යුගයේ සම්භාව්ය චිත්රකලාව රූපණය වූ බිතු සිතුවම් සමුදායක් මේ වනතුරුත් ආරක්ෂිතව පවතින බැවිනි. ජාතක තකා, බුද්ධ චරිතයේ සිදුවීම් අළලා මේ සිතුවම් නිර්මාණය වන්නේ අඩුම තරමින් අදට වසර 800කට පෙරදී ය. මේ ප්රතිමා ගෘහය නටබුන්ව පැවති අවධියේ දීත් ආරක්ෂා වී පැවති එහි සිතුවම් ප්රමාණය මේ වනවිට ව්යසනයකට ලක් වී ඇති ආකාරය වේදනාවෙන් යුතුව හෙළිදරව් කරමු.
මේ දැක්වෙන්නේ ප්රතිමා ගෘහයට ඉහළින් ඇටවූ ආරක්ෂිත යැයි කියනා ටකරන් වහල දැදුරු වී අව් වැසි සුළං වදිමින් මේ මහා ලෝක උරුමය ව්යසනයට ලක්වන අයුරුය.
බංකොලොත් රටක් තොරොම්බල් කිරීම සඳහා ඉතිහාසයවත් ඉතිරි කරගන්නේ නැත. කෙටියෙන්ම කීවොත් කතාව එයය.
