පසුගිය වකවානුව තුළ මාසිකව පඩියක් ගෙවා ක්රීඩා මාධ්යවේදීන් පිරිසක් නඩත්තු කළ ක්රිකට් ආයතනය මෙවර ආසියානු කුසලාන තරගාවලිය ආවරණය කිරීම සඳහා ක්රීඩාව පිළිබඳ මෙලෝ හසරක් නැති පේජ් කාරයින් පිරිසක් වෙත ද මාධ්ය අවසර පත්ර නිකුත් කර ඇති බව ශ්රී ලංකා ක්රිකට් අභ්යන්තර ආරංචි මාර්ග පවසයි.
ශ්රී ලංකා ක්රිකට් ආයතනය මගින් මාසිකව වැටුපක් ගෙවනු ලබන මාධ්යවේදීන්ගේ ලැයිස්තුව මේ වන විට එළියට පැමිණ තිබේ.මෙතෙක් ක්රිකට් ආයතනයෙන් පඩි ලැබූ සියලු දෙනා ක්රිකට් ක්රීඩාව ආවරණය කරන මාධ්යවේදීන්ය.
පසුගිය විස්සයි විස්ස ලෝක කුසලාන තරගාවලිය ආවරණය කිරීම සඳහා තෝරාගත් මාධ්යවේදීන් සිව් දෙනෙකුට ලක්ෂ 50 කට අධික මුදලක් ක්රිකට් ආයතනයෙන් ගෙවා ඇති බව ඒ සඳහා විගණකාධිපතිවරයා විසින් කරන ලද වෝහාරික විගණනයේදී ද හෙළිදරව් විය.
මෙවර ආසියානු කුසලාන තරගාවලිය ආවරණය කිරීම සඳහා දේශීය මාධ්යවේදීන් 129කට මාධ්ය හැඳුනුම්පත් ක්රිකට් ආයතනය මගින් ලබා දී තිබීමද විශේෂත්වයකි.
මේ 129 ඇතුළට මෙවර සමාජ ජාල පේජ් කරුවන්ද ඇතුළු දේශීය වශයෙන් කිසිදු ක්රීඩා ආවරණයක් සිදු නොකරන්නන්ද ක්රිකට් ආයතනය විසින් ඇතුළත් කරගෙන සිටින බව දැනගන්නට ඇත.
